ادامي كاپيتال ساپاسىن ارتتىرۋ ارقىلى مەملەكەت مۇددەسىنە قىزمەت ەتەتىن كادرلاردى دايارلاۋ باستى مىندەت. بۇل رەتتە قر پرەزيدەنتى جانىنداعى مەملەكەتتىك باسقارۋ اكادەمياسىنىڭ ءبىلىم الۋشىلارىنىڭ ۇسىنىسىنا سايكەس وبلىس اكىمى گۇلشارا ابدىقالىقوۆا ونلاين فورماتتا مەملەكەتتىك قىزمەتشىلەرمەن پىكىرلەستى.
«مەملەكەتتىك باسقارۋدىڭ ادامعا باعدارلانعان مودەلى: وڭىرلىك اسپەكت» تاقىرىبىندا وتكەن تالقىلاۋلار بارىسىندا ايماق باسشىسى ءوز ارىپتەستەرى ءۇشىن قانداي قاسيەتتەردى ماڭىزدى دەپ سانايتىنىن اتاپ ءوتىپ، سىر ءوڭىرىنىڭ الەۋمەتتىك-ەكونوميكالىق دامۋى تۋرالى ايتتى. اتاپ ايتقاندا، ينۆەستيتسيالىق جوبالار، حالىقتى الەۋمەتتىك قولداۋ شارالارى جانە شاعىن بيزنەستى دامىتۋ، اۋىل شارۋاشىلىعى سالاسىن ءارتاراپتاندىرۋ ماسەلەلەرىن قوزعادى.
- ءاربىر مەملەكەتتىك قىزمەتشى ەلدىك مۇددە جولىندا قىزمەت ەتۋى ءۇشىن لايىقتى ءبىلىم الىپ، بارلىق قىزمەت ساتىلارىن ءوتۋى ءتيىس دەپ سانايمىن. قازىرگىدەي وزگەرىستەر كەزەڭىندە كوممۋنيكاتسيالىق ءادىس-تاسىلدەردى قولدانۋ، جاۋاپكەرشىلىك پەن ادىلەتتىلىكتى باستى قاعيداتا ەتۋ وتە ماڭىزدى. مەن ۇنەمى ءوز قىزمەتكەرلەرىمنەن سىبايلاس جەمقورلىق ارەكەتتەرىن بولدىرماۋ، تازا ءارى ادال قىزمەت ەتۋ تالابىن قويامىن. ءاربىر ازامات جاۋاپتى قىزمەتكە مەريتوكراتيا قاعيداتى ارقىلى قابىلدانۋى قاجەت. سەبەبى جەرگىلىكتى اتقارۋشى مەملەكەتتىك قۇرىلىمدا جۇمىس ىستەيتىن مامان ساتىلاپ ءوسىپ، حالىقتىڭ قاجەتتىلىگىن ەسكەرە وتىرىپ، قوعامعا قىزمەت ەتۋى ءتيىس دەپ سانايمىن، - دەدى گۇلشارا ابدىقالىقوۆا.
جيىرما مينۋتتىق ءدارىس بارىسىندا وبلىس اكىمى مەملەكەتتىك قىزمەتشىلەرگە جۇكتەلەتىن جاۋاپكەرشىلىك، Soft Skills-ءتى، ياعني باسقالارمەن ءتيىمدى ءوزارا ءىس-قيمىل جاساۋ داعدىلارىن، سونداي-اق ماقساتقا ۇمتىلۋ مەن ۇستامدىلىق سىندى قاسيەتتەردىڭ ماڭىزدىلىعىنا توقتالدى.
اشىق كەزدەسۋ اياسىندا تىڭدارمانداردىڭ سۇراقتارىنا جاۋاپ بەرىپ، ەكىجاقتى كەرى بايلانىس تەتىگى ارقىلى بىرنەشە تاقىرىپتا وي ءبولىستى. اۋديتوريادان 15 سۇراق ءتۇستى، باسىم بولىگى الەۋمەتتىك ماسەلەلەردى شەشۋ، ينفراقۇرىلىم تارتۋ، جوبالىق باسقارۋ، كادرلىق ماسەلەلەر، سونداي-اق ەكولوگيالىق باعىتتا وي ءوربىدى.
كەزدەسۋدى تۇجىرىمداعان مەملەكەتتىك باسقارۋ اكادەمياسىنىڭ رەكتورى ەرلان ءابىل ايماق باسشىسىنا العىس ءبىلدىرىپ، ءبىلىم الۋشىلار ءۇشىن وبلىس اكىمىمەن تىكەلەي سۇحباتتاسۋ ۇلكەن تاجىريبە بولعانىن اتاپ ءوتتى.
