Adami kapital sapasyn arttyru arqyly memleket müddesıne qyzmet etetın kadrlardy daiarlau basty mındet. Būl rette QR Prezidentı janyndaǧy Memlekettık basqaru akademiiasynyŋ bılım aluşylarynyŋ ūsynysyna säikes oblys äkımı Gülşara Äbdıqalyqova onlain formatta memlekettık qyzmetşılermen pıkırlestı.
«Memlekettık basqarudyŋ adamǧa baǧdarlanǧan modelı: öŋırlık aspekt» taqyrybynda ötken talqylaular barysynda aimaq basşysy öz ärıptesterı üşın qandai qasietterdı maŋyzdy dep sanaitynyn atap ötıp, Syr öŋırınıŋ äleumettık-ekonomikalyq damuy turaly aitty. Atap aitqanda, investisiialyq jobalar, halyqty äleumettık qoldau şaralary jäne şaǧyn biznestı damytu, auyl şaruaşylyǧy salasyn ärtaraptandyru mäselelerın qozǧady.
- Ärbır memlekettık qyzmetşı eldık müdde jolynda qyzmet etuı üşın laiyqty bılım alyp, barlyq qyzmet satylaryn ötuı tiıs dep sanaimyn. Qazırgıdei özgerıster kezeŋınde kommunikasiialyq ädıs-täsılderdı qoldanu, jauapkerşılık pen ädılettılıktı basty qaǧidata etu öte maŋyzdy. Men ünemı öz qyzmetkerlerımnen sybailas jemqorlyq äreketterın boldyrmau, taza ärı adal qyzmet etu talabyn qoiamyn. Ärbır azamat jauapty qyzmetke meritokratiia qaǧidaty arqyly qabyldanuy qajet. Sebebı jergılıktı atqaruşy memlekettık qūrylymda jūmys ısteitın maman satylap ösıp, halyqtyŋ qajettılıgın eskere otyryp, qoǧamǧa qyzmet etuı tiıs dep sanaimyn, - dedı Gülşara Äbdıqalyqova.Jiyrma minuttyq därıs barysynda oblys äkımı memlekettık qyzmetşılerge jükteletın jauapkerşılık, Soft Skills-tı, iaǧni basqalarmen tiımdı özara ıs-qimyl jasau daǧdylaryn, sondai-aq maqsatqa ūmtylu men ūstamdylyq syndy qasietterdıŋ maŋyzdylyǧyna toqtaldy. Aşyq kezdesu aiasynda tyŋdarmandardyŋ sūraqtaryna jauap berıp, ekıjaqty kerı bailanys tetıgı arqyly bırneşe taqyrypta oi bölıstı. Auditoriiadan 15 sūraq tüstı, basym bölıgı äleumettık mäselelerdı şeşu, infraqūrylym tartu, jobalyq basqaru, kadrlyq mäseleler, sondai-aq ekologiialyq baǧytta oi örbıdı. Kezdesudı tūjyrymdaǧan Memlekettık basqaru akademiiasynyŋ rektory Erlan Äbıl aimaq basşysyna alǧys bıldırıp, bılım aluşylar üşın oblys äkımımen tıkelei sūhbattasu ülken täjıribe bolǧanyn atap öttı.
