Adamı kapıtal sapasyn arttyrý arqyly memleket múddesine qyzmet etetin kadrlardy daıarlaý basty mindet. Bul rette QR Prezıdenti janyndaǵy Memlekettik basqarý akademııasynyń bilim alýshylarynyń usynysyna sáıkes oblys ákimi Gúlshara Ábdiqalyqova onlaın formatta memlekettik qyzmetshilermen pikirlesti.
«Memlekettik basqarýdyń adamǵa baǵdarlanǵan modeli: óńirlik aspekt» taqyrybynda ótken talqylaýlar barysynda aımaq basshysy óz áriptesteri úshin qandaı qasıetterdi mańyzdy dep sanaıtynyn atap ótip, Syr óńiriniń áleýmettik-ekonomıkalyq damýy týraly aıtty. Atap aıtqanda, ınvestıııalyq jobalar, halyqty áleýmettik qoldaý sharalary jáne shaǵyn bıznesti damytý, aýyl sharýashylyǵy salasyn ártaraptandyrý máselelerin qozǵady.
- Árbir memlekettik qyzmetshi eldik múdde jolynda qyzmet etýi úshin laıyqty bilim alyp, barlyq qyzmet satylaryn ótýi tıis dep sanaımyn. Qazirgideı ózgerister kezeńinde kommýnıkaııalyq ádis-tásilderdi qoldaný, jaýapkershilik pen ádilettilikti basty qaǵıdata etý óte mańyzdy. Men únemi óz qyzmetkerlerimnen sybaılas jemqorlyq áreketterin boldyrmaý, taza ári adal qyzmet etý talabyn qoıamyn. Árbir azamat jaýapty qyzmetke merıtokratııa qaǵıdaty arqyly qabyldanýy qajet. Sebebi jergilikti atqarýshy memlekettik qurylymda jumys isteıtin maman satylap ósip, halyqtyń qajettiligin eskere otyryp, qoǵamǵa qyzmet etýi tıis dep sanaımyn, - dedi Gúlshara Ábdiqalyqova.
Jıyrma mınýttyq dáris barysynda oblys ákimi memlekettik qyzmetshilerge júkteletin jaýapkershilik, Soft Skills-ti, ıaǵnı basqalarmen tıimdi ózara is-qımyl jasaý daǵdylaryn, sondaı-aq maqsatqa umtylý men ustamdylyq syndy qasıetterdiń mańyzdylyǵyna toqtaldy.
Ashyq kezdesý aıasynda tyńdarmandardyń suraqtaryna jaýap berip, ekijaqty keri baılanys tetigi arqyly birneshe taqyrypta oı bólisti. Aýdıtorııadan 15 suraq tústi, basym bóligi áleýmettik máselelerdi sheshý, ınfraqurylym tartý, jobalyq basqarý, kadrlyq máseleler, sondaı-aq ekologııalyq baǵytta oı órbidi.
Kezdesýdi tujyrymdaǵan Memlekettik basqarý akademııasynyń rektory Erlan Ábil aımaq basshysyna alǵys bildirip, bilim alýshylar úshin oblys ákimimen tikeleı suhbattasý úlken tájirıbe bolǵanyn atap ótti.
