2012 جىلعى 16 اقپانداعى "اسكەري قىزمەت جانە اسكەري قىزمەتشىلەردىڭ مارتەبەسى تۋرالى" زاڭنىڭ 32-بابىنا سايكەس ۇكىمەت قاۋلىسى شىققان بولاتىن. ال بۇگىن ۇكىمەت باسشىسى ءاليحان سمايىلوۆتىڭ قولى قويىلعان زاپاستاعى وفيتسەرلەردى اسكەري قىزمەتكە شاقىرۋ تۋرالى قاۋلى شىقتى، دەپ حابارلايدى “ادىرنا” ۇلتتىق پورتالى ەكسپرەسس ك. سايتىنا سىلتەمە جاساپ.
“اسكەري قىزمەتتى وتەۋ ءۇشىن اسكەري قىزمەتكە جارامدى جانە ونى وتەمەگەن زاپاستاعى وفيتسەرلەر زاڭنامادا بەلگىلەنگەن تارتىپپەن 2022 جىلى ەكى جىل مەرزىمگە اسكەري قىزمەتكە شاقىرىلسىن”، — دەلىنگەن قۇجاتتا.
قۇجات primeminister.kz سايتىندا جاريالاندى. قاۋلىدا كورسەتىلگەندەي، قارۋلى كۇشتەرگە 150 ادام، ۇلتتىق قاۋىپسىزدىك كوميتەتىنىڭ شەكارا قىزمەتىنە 40 ادام شاقىرىلعان. قاۋلى العاشقى رەسمي جاريالانعان كۇنىنەن كەيىن كۇنتىزبەلىك 10 كۇن وتكەن سوڭ، ياعني 11 ناۋرىزدا قولدانىسقا ەنگىزىلەدى.
سونداي-اق، ەلىمىزدىڭ اسكەرىنە جازعا دەيىن 17 مىڭ ادام شاقىرۋدى جوسپارلاپ وتىر.
«ادىرنا» ۇلتتىق پورتالى
