ۋكراينانىڭ قازاقستانداعى توتەنشە جانە وكىلەتتى ەلشىسى پەتر ۆرۋبلەۆسكي قازاقستاندىقتار جيناعان قارجىنىڭ قايدا جۇمسالاتىنىن ايتتى. بۇل تۋرالى “ادىرنا”ۇلتتىق پورتالى حابارلايدى.
ەلشى بارلىعىنا ۋكراين حالقىمەن ىنتىماقتاستىعى ءۇشىن العىس ايتىپ، قازاقستان حالقىنان جينالعان قارجىعا ءدارى-دارمەك پەن باسقا دا ەڭ قاجەتتى تاۋارلاردى الۋدىڭ بارىسى تۋرالى حالىقتى حاباردار ەتۋگە ۋادە بەردى.
«سىزدەرگە كوپ راحمەت! ءبىزدىڭ ورتاق كورشىمىز قانداي قىسىم كورسەتىپ جاتىرعانى بەلگىلى؟! بىراق سىزدەر دە شىداڭىزدار. ءبىز الەۋمەتتىك جەلىلەردە كۇن سايىن اقپاراتتى جاڭارتىپ وتىرامىز. ەلشىلىك تاۋلىك بويى جۇمىس ىستەيدى، كومەكتەردى قابىلداپ وتىرادى. راحمەت، قىمباتتى قازاقستاندىق دوستار! ءبىز العاشقى كۇننەن باستاپ قاراجات جيناي باستاعان بارلىق ەرىكتىلەرگە العىس ايتامىز! بارلىعىڭىزعا، باۋىرلارىمىزعا، دوستارىمىزعا ۇلكەن راحمەت!”، - دەدى ول ءباسپاسوز ءماسليحاتى بارىسىندا.
ۆرۋبلەۆسكي گۋمانيتارلىق جۇكتى جونەلتۋ كەزىندە كەدەندەگى قيىندىقتارعا توقتالىپ، قازاقستان مەن ۋكراينا پرەزيدەنتتەرىنىڭ اڭگىمەسىنەن كەيىن ماسەلە شەشىلەتىنىنە سەنىم ءبىلدىردى.
«مەن سىرتقى ىستەر ءمينيسترىنىڭ ورىنباسارىمەن تىكەلەي بايلانىستامىن. قانداي دا ءبىر سۇراقتار تۋىنداسا، وعان قوڭىراۋ شالامىن. بىزگە قازاقستاندىق دوستار بارىنشا كومەكتەسىپ جاتىر. تۇسىنبەۋشىلىك ماسەلەسى ءالى دە بار. بىراق ءبىز بالاما جولدارمەن جۇمىس ىستەپ جاتىرمىز. قازىر وسىنداي كومەك اعىنى كەلۋدە. مەنىڭ ويىمشا، ەكى پرەزيدەنتتىڭ كەشەگى اڭگىمەسىنەن كەيىن، پرەزيدەنت مىرزا ءتيىستى ورگاندارعا ولاردىڭ بىزگە ارالاسپاۋى ءۇشىن بەلگىلى ءبىر تاپسىرمالار بەرەدى دەپ ويلايمىن. ءبىز ەندى ەلشىلىك ءۇشىن تەك گۋمانيتارلىق كومەككە قوڭىراۋلار مەن حابارلامالاردى قابىلدايتىن جەكە تەلەفون ورناتامىز»، - دەپ قوستى ەلشى.
ول سونداي-اق ۋكراين حالقىنا كومەك رەتىندە اۋدارىلعان قاراجات قارۋ ساتىپ الۋعا جۇمسالمايتىنىن باسا ايتتى.
«ءبىز كۇندەلىكتى قاجەتتى زاتتاردىڭ ءتىزىمىن جاڭارتىپ وتىرامىز. بايلانىس ءنومىرىن، اقشا اۋدارۋعا بولاتىن شوت ءنومىرىن جاريالايمىز. قارۋ-جاراق پەن اسكەري تەحنيكا ساتىپ الۋعا اقشا جۇمسالمايدى. بۇل تۇسىنىكتى. تەك قانا «گۋمانيتارلىق» كومەككە جۇمسالادى. بۇل ءبىزدىڭ جۇمىسىمىزدىڭ باستى ۇستانىمى»، - دەپ تۇيىندەدى ۆرۋبلەۆسكي.
ەسكە سالايىق، 26 اقپان كۇنى ارمان شوراەۆ، دوسىم ساتباەۆ، مۇحتار جاكوشەۆ جانە تاعى دا باسقا بەلگىلى قوعام قايراتكەرلەرىنەن قۇرالعان «ەل بولاشاعى» بەلسەندى ازاماتتار توبى ۋكرايناعا گۋمانيتارلىق كومەك كورسەتۋگە قاراجات جينايتىنىن جاريالاعان بولاتىن.
3 ناۋرىز كۇنى قازاقستاندىقتار گۋمانيتارلىق كومەك ءۇشىن 100 ميلليون تەڭگەدەن استام قارجى جيناعانى بەلگىلى بولدى.
“ادىرنا” ۇلتتىق پورتالى
