دۇيسەنبى، 7 ناۋرىزدا ۋكراينانىڭ بۇرىنعى پرەزيدەنتى ۆيكتور يانۋكوۆيچتىڭ ۇشاعى ماسكەۋدەن مينسكىگە قوندى. سول كۇنى كەشكە ۇشاق مينسكىدەن قايتا ۇشتى. بۇل تۋرالى «ۋكراينسكايا پراۆدا» گازەتى جازدى، - دەپ حابارلايدى "ادىرنا" ۇلتتىق پورتالى.
باسىلىمعا يانۋكوۆيچ بورتىنداعى رەيستەر تۋرالى بەرىلگەن اقپاراتقا سايكەس، ەكس-پرەزيدەنتتىڭ ۇشاعى اپتاسىنا بىرنەشە رەت رەسەيدى اينالىپ ءوتىپ، كەيىن بەلارۋسكە: ماسكەۋدەن ورىنبورعا، ورىنبوردان - ماسكەۋگە، ماسكەۋدەن - مۋرمانسككە، مۋرمانسكتان - سوچيگە قونعان. ودانبولەك تاعى دا بىرنەشە رەيستەر جاسالعان.
بۇعان دەيىن ۋكراينالىق باق-تا رەسەي يانۋكوۆيچتى «ۋكراينا پرەزيدەنتى» دەپ جاريالاعىسى كەلەتىنى تۋرالى اقپارات پايدا بولعان.
كۇنى كەشە شەشەنستان باسشىسى رامزان قادىروۆ ۋكراينانىڭ قازىرگى پرەزيدەنتى ۆلاديمير زەلەنسكيدى بيلىكتى «زاڭدى» مەملەكەت باسشىسى ۆيكتور يانۋكوۆيچكە بەرۋگە شاقىردى. قادىروۆ بۇل جاعدايدا «كەم دەگەندە ءىشىنارا كىنانى وتەۋگە» مۇمكىندىك بولاتىنىن اتاپ ءوتتى.
وسىنداي ۇندەۋلەردى رەسەي مەن ۋكراينانىڭ دەپۋتاتتارى دا جاسادى.
"ادىرنا" ۇلتتىق پورتالى
