كەدەندىك ىشكى كوميتەت رەسەي فەدەراتسياسىنان ەاەو ەلدەرىنە ءداندى داقىلدار، اق قانت جانە شيكى قۇراق قانتىن ەكسپورتتاۋعا ۋاقىتشا تىيىم سالۋدى ەنگىزۋ تۋرالى شەشىمدى ماقۇلدادى. ەكونوميكالىق دامۋ مينيسترلىگىنىڭ ءباسپاسوز قىزمەتىنىڭ حابارلاۋىنشا، شارا بيداي مەن مەسلين، قارا بيداي، ارپا جانە جۇگەرى ءۇشىن 2022 جىلدىڭ 31 تامىزىنا دەيىن قولدانىلادى، - دەپ حابارلايدى «ادىرنا» ۇلتتىق پورتالى ريا نوۆوستيگە سىلتەمە جاساپ.
«10 ناۋرىزدا ەكونوميكالىق دامۋ جانە ينتەگراتسيا جونىندەگى ۇكىمەتتىك كوميسسيانىڭ سىرتقى ساۋداداعى كەدەندىك-تاريفتىك جانە تاريفتىك ەمەس رەتتەۋ، قورعاۋ شارالارى جونىندەگى كىشى كوميتەتى رەسەي فەدەراتسياسىنان ءداندى داقىلداردى ەاەو ەلدەرىنە ەكسپورتتاۋعا ۋاقىتشا تىيىم سالۋ تۋرالى شەشىم قابىلدادى.»، - دەلىنگەن حابارلامادا.
ۆەدومستۆونىڭ ءباسپاسوز قىزمەتى بۇل شارانىڭ ۋاقىتشا ەكەنىن جانە بيداي مەن مەسلين، قارا بيداي، ارپا جانە جۇگەرى ءۇشىن 2022 جىلدىڭ 31 تامىزىنا دەيىن قولدانىلاتىنىن ءتۇسىندىردى. ەرەكشەلىك رەسەيدىڭ يندۋستريا جانە ساۋدا مينيسترلىگى بەرگەن ەكسپورتتىق ليتسەنزيالار بويىنشا جەتكىزىلىمدەر ءۇشىن قاراستىرىلعان.
سونداي-اق، سوڭعى شاعىن كوميسسيانىڭ سوڭعى وتىرىسىندا 2022 جىلدىڭ 31 تامىزىنا دەيىن رەسەي فەدەراتسياسىنان اق قانت پەن شيكى قۇراق قانتىن ەكسپورتتاۋعا ۋاقىتشا تىيىم سالۋ شەشىمىن قولدادى.
«تىيىم ءۇشىنشى ەلدەرگە ەكسپورتقا قاتىستى. ەاەو-عا جەتكىزۋ اۋىل شارۋاشىلىعى مينيسترلىگى بەرگەن رۇقساتتار نەگىزىندە مۇمكىن بولادى»، - دەلىنگەن مينيسترلىك حابارلاماسىندا.
”ادىرنا” ۇلتتىق پورتالى
