سارسەنبى كۇنى رەسەي پرەزيدەنتى ۆلاديمير پۋتين ۋكرايناداعى جاعدايعا بىرەۋ «سىرتتان» ارالاسىپ، رەسەيگە ستراتەگيالىق قاۋىپ توندىرەتىن بولسا، ماسكەۋ «نايزاعايداي ۇرادى» دەپ مالىمدەدى. سانكت-پەتەربۋرگتە زاڭ شىعارۋشىلار كەڭەسىنىڭ مۇشەلەرىمەن كەزدەسۋدە سويلەگەن پۋتين ستراتەگيالىق قاۋىپ تونگەن جاعدايدا «نايزاعاي تۇسۋىنە» قاتىستى بارلىق شەشىمدەر قابىلدانعانىن اتاپ ءوتتى.
رەسەي پرەزيدەنتى نايزاعايدىڭ ناقتى قاي نىساناعا جانە قانداي قارۋمەن سوعۋى مۇمكىن ەكەنىن ايتپادى. ول يادرولىق قارۋ تۋرالى تىكەلەي ءسوز قوزعاماعانىمەن، بىراق ول رەسەيدىڭ الەۋەتتى قارسىلاستارىندا جوق كەيبىر قارۋلاردى اتاپ ءوتتى.
پۋتين 24 اقپاندا ۋكراينادا ارنايى وپەراتسيا باستالعانىن جاريالاعانىنا دە توقتالىپ، كەيىن جاعدايعا شەت مەملەكەتتەر ارالاسسا، تاريحتا ءالى ورىن الماعان زارداپتارعا تاپ بولاتىنىن ايتتى.
سونداي-اق، ول قابىلدانبايتىن ستراتەگيالىق قاتەرلەردىڭ نەنى بىلدىرەتىنىن ناقتىلامادى. الايدا رەسەيدىڭ اسكەري دوكتريناسى وزىنە قارسى اگرەسسيا جاعدايىندا كەزەكتە يادرولىق قارۋدى قولدانا الادى، بۇل مەملەكەتتىڭ ءومىر سۇرۋىنە قاۋىپ توندىرەدى.
پۋتين تاعى دا «دونباسس پەن ۋكراينادا» جۇرگىزىلىپ جاتقان «ارنايى اسكەري وپەراتسيانىڭ» بارلىق تاپسىرمالارى ورىندالاتىنىن اتاپ ءوتتى. وسى مىندەتتەردىڭ ىشىندە ول رەسەي تۇرعىندارىنا، اننەكسيالانعان قىرىمعا، دحر جانە لحر ەلدەرىنە بەيبىتشىلىك پەن قاۋىپسىزدىكتى قامتاماسىز ەتۋ ءۇشىن «تاريحي پەرسپەكتيۆانىڭ» قاجەتتىلىگىن ايتىا ءوتتى. بۇعان دەيىن وپەراتسيانىڭ مىندەتتەرى اراسىندا ۋكراينانى دەميليتاريزاتسيالاۋ جانە دەنازيالاندىرۋ دەپ اتالعان.
پۋتين ءوز سوزىندە رەسەي بيلىگى ۋكرايناعا باسىپ كىرۋدى اقتاۋ ءۇشىن بۇرىن كەلتىرگەن تەزيسىن قايتالادى. پرەزيدەنتتىڭ ايتۋىنشا، رەسەيدىڭ كەيبىر جاۋلارى ونى قۇرتۋدى كوزدەپ، «رۋسوفوبيا مەن نەوناتسيستەرگە ءباس تىككەن»، ۋكراينانى «انتيرەسەيلىك» ەلگە اينالدىرا باستادى جانە ۋكراينانى رەسەيمەن تىكەلەي قاقتىعىسقا يتەرمەلەگەن.
ىشكى ساياسات تۋرالى ايتاتىن بولساق، پۋتين - بىرقاتار باق-تا جاريالانعان بولجامدارعا قاراماستان - گۋبەرناتورلاردىڭ تىكەلەي سايلاۋىنىڭ جويىلاتىنىن نەمەسە كۇزگە جوسپارلانعان ءبىر داۋىس بەرۋ كۇنىن كەيىنگە قالدىراتىنىن جاريالامادى.
ايتا كەتسەك، ارنايى وپەراتسيا – شىن مانىندە، جاريالانباعان سوعىس – ەكى ايدان استام ۋاقىت بويى جالعاسىپ جاتىر. رەسەي 24 اقپاندا كەڭ اۋقىمدى باسىپ الۋدى باستادى. وسى ۋاقىت ىشىندە رەسەي اسكەرلەرى ۋكراينانىڭ وڭتۇستىگى مەن شىعىسىنداعى بىرقاتار وبلىستارداعى اۋماقتاردى باقىلاۋعا الدى، بىراق كيەۆ پەن باسقا سولتۇستىك وبلىستاردان شەگىنۋگە ءماجبۇر بولدى. ۇرىس قاقتىعىستىڭ ەكى جاعىندا دا، بەيبىت تۇرعىندار اراسىندا دا مىڭداعان شىعىن الىپ كەلدى. باتىس ەلدەرى ۋكرايناعا قارۋ-جاراق جەتكىزۋدى ۇلعايتىپ، رەسەيدى سانكتسياعا ۇشىراتىپ جاتىر، بىراق ولار تىكەلەي قارسىلاسۋعا نيەتتى ەمەستىگىن باسا ايتادى.
“ادىرنا” ۇلتتىق پورتالى
