Särsenbı künı Resei prezidentı Vladimir Putin Ukrainadaǧy jaǧdaiǧa bıreu «syrttan» aralasyp, Reseige strategiialyq qauıp töndıretın bolsa, Mäskeu «naizaǧaidai ūrady» dep mälımdedı. Sankt-Peterburgte zaŋ şyǧaruşylar keŋesınıŋ müşelerımen kezdesude söilegen Putin strategiialyq qauıp töngen jaǧdaida «naizaǧai tüsuıne» qatysty barlyq şeşımder qabyldanǧanyn atap öttı.
Resei prezidentı naizaǧaidyŋ naqty qai nysanaǧa jäne qandai qarumen soǧuy mümkın ekenın aitpady. Ol iadrolyq qaru turaly tıkelei söz qozǧamaǧanymen, bıraq ol Reseidıŋ äleuettı qarsylastarynda joq keibır qarulardy atap öttı.
Putin 24 aqpanda Ukrainada arnaiy operasiia bastalǧanyn jariialaǧanyna de toqtalyp, keiın jaǧdaiǧa şet memleketter aralassa, tarihta älı oryn almaǧan zardaptarǧa tap bolatynyn aitty.
Sondai-aq, ol qabyldanbaityn strategiialyq qaterlerdıŋ nenı bıldıretının naqtylamady. Alaida Reseidıŋ äskeri doktrinasy özıne qarsy agressiia jaǧdaiynda kezekte iadrolyq qarudy qoldana alady, būl memlekettıŋ ömır süruıne qauıp töndıredı.
Putin taǧy da «Donbass pen Ukrainada» jürgızılıp jatqan «arnaiy äskeri operasiianyŋ» barlyq tapsyrmalary oryndalatynyn atap öttı. Osy mındetterdıŋ ışınde ol Resei tūrǧyndaryna, anneksiialanǧan Qyrymǧa, DHR jäne LHR elderıne beibıtşılık pen qauıpsızdıktı qamtamasyz etu üşın «tarihi perspektivanyŋ» qajettılıgın aitya öttı. Būǧan deiın operasiianyŋ mındetterı arasynda Ukrainany demilitarizasiialau jäne denaziialandyru dep atalǧan.
Putin öz sözınde Resei bilıgı Ukrainaǧa basyp kırudı aqtau üşın būryn keltırgen tezisın qaitalady. Prezidenttıŋ aituynşa, Reseidıŋ keibır jaulary ony qūrtudy közdep, «rusofobiia men neonasisterge bäs tıkken», Ukrainany «antireseilık» elge ainaldyra bastady jäne Ukrainany Reseimen tıkelei qaqtyǧysqa itermelegen.
Işkı saiasat turaly aitatyn bolsaq, Putin - bırqatar BAQ-ta jariialanǧan boljamdarǧa qaramastan - gubernatorlardyŋ tıkelei sailauynyŋ joiylatynyn nemese küzge josparlanǧan bır dauys beru künın keiınge qaldyratynyn jariialamady.
Aita ketsek, arnaiy operasiia – şyn mänınde, jariialanbaǧan soǧys – ekı aidan astam uaqyt boiy jalǧasyp jatyr. Resei 24 aqpanda keŋ auqymdy basyp aludy bastady. Osy uaqyt ışınde Resei äskerlerı Ukrainanyŋ oŋtüstıgı men şyǧysyndaǧy bırqatar oblystardaǧy aumaqtardy baqylauǧa aldy, bıraq Kiev pen basqa soltüstık oblystardan şegınuge mäjbür boldy. Ūrys qaqtyǧystyŋ ekı jaǧynda da, beibıt tūrǧyndar arasynda da myŋdaǧan şyǧyn alyp keldı. Batys elderı Ukrainaǧa qaru-jaraq jetkızudı ūlǧaityp, Reseidı sanksiiaǧa ūşyratyp jatyr, bıraq olar tıkelei qarsylasuǧa niettı emestıgın basa aitady.
“Adyrna” ūlttyq portaly
