Qazaq Air بۇگىننەن باستاپ رەسەيگە ۇشاتىن رەيستەردى توقتاتتى، - دەپ حابارلايدى "ادىرنا" اۋە كومپانياسىنىڭ سايتىنا سىلتەمە جاساپ.
"Qazaq Air ساقتاندىرۋ كومپانياسىنان رەسەي اۋماعىندا جانە ونىڭ اۋە كەڭىستىگىندە ساقتاندىرۋ وتەمى ۇسىنىلماعانى تۋرالى حابارلاما الدى. وسى جاعدايدىڭ سالدارىنان اۋە كومپانياسى رەسەيگە اۋە رەيستەرىن ورىنداي المايدى. رەسەي اۋماعىندا ساقتاندىرۋدى قامتاماسىز ەتۋ ماسەلەسى شەشىلدى.وسىعان بايلانىستى بۇگىنگى (2022 جىلعى 12 ناۋرىز) نوۆوسىبىرگە رەيس توقتاتىلدى»، - دەلىنگەن رەسمي حابارلامادا.
جولاۋشىلارعا بيلەتتەر قۇنى تولىعىمەن قايتارىلاتىنى اتاپ ءوتىلدى. "اقشانى قايتارۋ بيلەتتەردى ساتىپ العان جەردە جۇزەگە اسىرىلادى. ەگەر بيلەت اۆياكومپانيادا ساتىپ الىنعان بولسا، info@flyqazaq.com مەكەنجايى بويىنشا حابارلاسىڭىز. اقشانى قايتارۋ تۋرالى وتىنىشپەن بىرگە برونداۋ ءنومىرى مەن بايلانىس دەرەكتەرىن كورسەتىڭىز. ەگەر بيلەت اگەنتتىكتەن ساتىپ الىنعان بولسا، ساتىپ الۋ ورنىنا حابارلاسۋ كەرەك»، - دەدى اۋە كومپانياسى.
Qazaq Air ۋاقىتشا قولايسىزدىق ءۇشىن كەشىرىم سۇرادى. ء"بىز بارلىق جولاۋشىلاردى الداعى كۇندەرى كەستەنىڭ بۇدان ءارى وزگەرۋى مۇمكىن ەكەندىگى تۋرالى حاباردار ەتەمىز. Qazaq Air قازاقستاندىق جانە حالىقارالىق ستاندارتتارعا سايكەس ۇشۋ قاۋىپسىزدىگىن قامتاماسىز ەتۋ بويىنشا بارلىق تالاپتاردى ورىندايدى", - دەپ قورىتىندىلادى كومپانيا.
"ادىرنا" ۇلتتىق پورتالى
