Qazaq Air búginnen bastap Reseıge ushatyn reısterdi toqtatty, - dep habarlaıdy "Adyrna" áýe kompanııasynyń saıtyna silteme jasap.
"Qazaq Air saqtandyrý kompanııasynan Reseı aýmaǵynda jáne onyń áýe keńistiginde saqtandyrý ótemi usynylmaǵany týraly habarlama aldy. Osy jaǵdaıdyń saldarynan áýe kompanııasy Reseıge áýe reısterin oryndaı almaıdy. Reseı aýmaǵynda saqtandyrýdy qamtamasyz etý máselesi sheshildi.Osyǵan baılanysty búgingi (2022 jylǵy 12 naýryz) Novosibirge reıs toqtatyldy», - delingen resmı habarlamada.
Jolaýshylarǵa bıletter quny tolyǵymen qaıtarylatyny atap ótildi. "Aqshany qaıtarý bıletterdi satyp alǵan jerde júzege asyrylady. Eger bılet avıakompanııada satyp alynǵan bolsa, info@flyqazaq.com mekenjaıy boıynsha habarlasyńyz. Aqshany qaıtarý týraly ótinishpen birge brondaý nómiri men baılanys derekterin kórsetińiz. Eger bılet agenttikten satyp alynǵan bolsa, satyp alý ornyna habarlasý kerek», - dedi áýe kompanııasy.
Qazaq Air ýaqytsha qolaısyzdyq úshin keshirim surady. "Biz barlyq jolaýshylardy aldaǵy kúnderi kesteniń budan ári ózgerýi múmkin ekendigi týraly habardar etemiz. Qazaq Air qazaqstandyq jáne halyqaralyq standarttarǵa sáıkes ushý qaýipsizdigin qamtamasyz etý boıynsha barlyq talaptardy oryndaıdy", - dep qorytyndylady kompanııa.
"Adyrna" ulttyq portaly
