رەسەيدە ءوزىنىڭ «Rossgram» الەۋمەتتىك جەلىسى بولادى، دەپ حابارلايدى “ادىرنا” ۇلتتىق پورتالى.
ازىرلەۋشىلەر قوسىمشانى بۇرىن ەلدە بۇعاتتالعان Instagram-نىڭ رەسەيلىك انالوگى دەپ اتادى.
الەۋمەتتىك جەلىنى جاساۋشىلار Android جانە iOS ءۇشىن تانىمال قوسىمشانىڭ تانىس فۋنكتسيونالدىعىن قايتالايتىنىن ۋادە ەتىپ وتىر.
«Rossgram-دا پايدالانۋشىلار ءۇشىن قوسىمشا مونەتيزاتسيا قۇرالدارى بولادى. مازمۇنى اقىلى قولجەتىمدىلىك، قاراجات جيناۋ فۋنكتسياسى (كراۋدفاندينگ), جولداۋ باعدارلاماسى جانە ت.ب. ءدال قازىر سىزدە ەرەكشە ارتىقشىلىقتارعا يە پايدالانۋشى بولۋ مۇمكىندىگى بار. باستاپقىدا قولجەتىمدى بلوگەرلەر مەن سەرىكتەستەر (دەمەۋشىلەر مەن ينۆەستورلار) ءۇشىن اشىق بولادى»، - دەلىنگەن Rossgram ۆەب-سايتىندا.
“ادىرنا” ۇلتتىق پورتالى
