امەريكالىق Amazon كومپانياسى ەڭ كونە گولليۆۋد كينوستۋديالارىنىڭ ءبىرى Metro-Goldwyn-Mayer (MGM) 8,45 ميلليارد دوللارعا ساتىپ الدى، دەپ حابارلايدى “ادىرنا” ۇلتتىق پورتالى.
مامىلە ناتيجەسىندە، Amazon 4 000-نان استام فيلم مەن 17 000 تەلەحيكايا كاتالوگىن الدى. ونىڭ ىشىندە دجەيمس بوند پەن روككي فرانشيزالارى جانە Prime Video اعىندىق پلاتفورماسىنا قوسۋعا نەمەسە Amazon Studios پايدالانۋعا بولادى. ستۋديانىڭ ءومىر سۇرگەن 100 جىلعا جۋىق ۋاقىتى ىشىندە MGM جوبالارى 180 وسكار جانە 100 ەممي سىيلىعىن الدى.
بەزوستىڭ بايلىعى Amazon اكتسيالارىنىڭ ءوسۋى اياسىندا 15 ميلليارد دوللارعا ءوستى
«ءبىز MGM-ءدىڭ تالانتتى كومانداسىمەن بىرگە ءوسۋدى جوسپارلاپ وتىرمىز»، - دەدى مايك حوپكينس، Prime Video جانە Amazon Studios اعا ۆيتسە-پرەزيدەنتى.
العاش رەت كومپانيا 1924 جىلى قۇرىلعان كينوستۋديانى ساتىپ الۋ نيەتىن 2021 جىلدىڭ مامىر ايىندا جاريالادى. بۇل مامىلە Amazon تاريحىنداعى ەكىنشى ەڭ ۇلكەن ساتىپ الۋ بولدى. 2017 جىلى ينتەرنەت-ساتۋشى Whole Foods سۋپەرماركەتتەر جەلىسىن 13,7 ميلليارد دوللارعا ساتىپ العان بولاتىن.
“ادىرنا” ۇلتتىق پورتالى
