ۇبت: اكىمدىكتەردىڭ وبلىس رەيتينگىنە ىقپال ەتۋ ارەكەتتەرى توقتاتىلدى - ايماعامبەتوۆ

6065

بىرنەشە جىل بۇرىن ءبىز ۇبت قورىتىندىسى بويىنشا مەكتەپتەر رەيتينگىن وتكىزۋگە تىيىم سالۋ تۋرالى شەشىم قابىلدادىق. سونداي-اق مەكتەپتەر وقۋشىلاردى ۇبت-عا تىركەۋ جانە وتىنىشتەر جيناۋ مىندەتىنەن بوساتىلدى. بۇل تۋرالى ءبىلىم جانە عىلىم ءمينيسترى اسحات ايماعامبەتوۆ ءوز Facebook پاراقشاسىندا جازدى، دەپ حابارلايدى "ادىرنا" ۇلتتىق پورتالى.

"مۇنىڭ بىرنەشە سەبەبى بولدى. ونىڭ ىشىندە - مەكتەپ باسشىلارىنىڭ 10-11 سىنىپ وقۋشىلارىن تەست سۇراقتارى بويىنشا باسقا پاندەرگە زيانىن تيگىزە وتىرىپ، جاساندى تۇردە تارتۋعا شەكتەن تىس ۇمتىلىسى، وتىنىشتەردى جيناۋدا مۇعالىمدەرگە قوسىمشا جۇكتەمە. سونىمەن قاتار ۇلگەرىمى ناشار وقۋشىلاردى ۇبت-عا قاتىسۋدان شەتتەتۋ، اكىمدىكتەردىڭ ءوڭىردىڭ ورتاشا ۇپايىن ءارتۇرلى تاسىلمەن كوبەيتۋگە تىرىسۋى جانە ت.ب. بۇل رەتتە ۇبت-نىڭ ورتاشا بالىنىڭ ءوزى دياگنوستيكالىق فۋنكتسيانى ورىنداي المادى. تەك ورتاشا بالدى ءبىلۋ پايدالى اقپاراتپەن قامتاماسىز ەتىلۋدى عانا بىلدىرمەيدى. ال ەگەر تاقىرىپتار مەن پاندەر بويىنشا تالداۋ بولسا، بۇل باسقارۋشىلىق شەشىمدەردى قابىلداۋعا مۇمكىندىك بەرەدى", - دەدى ايماعامبەتوۆ.
مينيستر قابىلدانعان شەشىمدەر پەداگوگتەر مەن مەكتەپتەرگە تۇسەتىن جۇكتەمەنى ازايتىپ، ناتيجەسىندە وبلىس رەيتينگىنە ىقپال ەتۋ ارەكەتتەرى توقتاتىلعانىن مالىمدەدى.
"قازىر قابىلدانعان شەشىم ءوز ءرولىن اتقارعانىن، پەداگوگتەر مەن مەكتەپتەرگە تۇسەتىن جۇكتەمەنى ازايتقانىن كورىپ وتىرمىز. ياعني وقۋشىلار ۇبت-عا ەلەكتروندى فورماتتا ءوز بەتىنشە ءوتىنىش بەردى جانە ولاردى ۇبت-دان شەتتەتۋ، سونداي-اق تەك تەست ارقىلى عانا دايىنداۋ جانە اكىمدىكتەردىڭ وبلىس رەيتينگىنە ىقپال ەتۋ ارەكەتتەرى توقتاتىلدى. ەندى ۇبت قورىتىندىسى بويىنشا ءار مەكتەپ، وبلىس، ءتىپتى ءپان بويىنشا تالداۋ جاساپ، ونى مەكتەپتەردىڭ جۇمىسىن باعالاۋ ءۇشىن پايدالانۋعا شەشىم شىعاردىق. ەلەكتروندى فورماتقا كوشۋ ەندى تەستىلەۋگە تاقىرىپتىق تالداۋ جاساۋعا مۇمكىندىك بەرەدى. مۇنداي جاڭالىقتى ءبىز ناۋرىز ايىنداعى ۇبت كەزىندە پيلوتتىق رەجيمدە ەنگىزدىك. بۇل نەنى بىلدىرەدى؟ ەندى تۇلەك تەستىلەۋدى اياقتاعاننان كەيىن جيناعان ۇپايلارىنىڭ ناتيجەسىن عانا ەمەس، سونىمەن قاتار قانداي تاقىرىپتاردى بىلەتىنى جانە قايسىسىنا كوڭىل ءبولۋ قاجەت ەكەنى تۋرالى قوسىمشا تالداۋ الادى. ءدال وسىنداي تالداۋدى مەكتەپكە دە، ناقتى پانگە قاتىستى دا، اۋدان، وبلىس جانە جالپى رەسپۋبليكا كولەمىندە دە جاسايمىز", - دەپ جازدى ءبىلىم جانە عىلىم ءمينيسترى.
سونىمەن قاتار مينيستر وقۋشىلار وزدەرىنىڭ ءالسىز تۇستارىن انىقتاپ، قاتەلەرمەن جۇمىس ىستەۋ مۇمكىندىگىنە يە بولاتىنىن حابارلادى.
"بۇل نە بەرەدى؟ بۇل شەشىم تەستىلەۋشىلەرگە قانداي تاقىرىپتارعا نازار اۋدارۋ، قانداي تاقىرىپتاردى كۇشەيتۋ كەرەگىن كورۋگە مۇمكىندىك بەرەدى. ياعني سىناققا قاتىسۋشىلار قازىردىڭ وزىندە وزدەرىنىڭ ءالسىز تۇستارىن انىقتاپ، جەكە تاقىرىپتارعا كوبىرەك ۋاقىت ءبولىپ، قاتەلەرمەن جۇمىس ىستەي الادى. سونىمەن قاتار مۇعالىمدەر دە وقۋشىلاردىڭ قانداي تاقىرىپتاردا قينالعانىن كورەدى. مەكتەپتى الاتىن بولساق، مىسالى، ماتەماتيكا ءپانى مۇعالىمىنىڭ وقۋشىلارىنىڭ ءبىر بولىگى كەيبىر ەسەپتەردى ناشار شىعاراتىنىن بايقاۋعا بولادى. تالداۋ سەبەپتەردى انىقتاۋعا سەپتىگىن تيگىزەدى. دالىرەك ايتقاندا، مۇعالىمنىڭ ءوزى تۇسىندىرۋدە قينالاتىنى نە باعدارلامادا ۋاقىت جەتكىلىكسىزدىگى، وقۋلىقتاعى سۇراقتار ماسەلەسى جانە ت.ب. تيىسىنشە، تالداۋعا بايلانىستى وقۋ باعدارلامالارىن پىسىقتاۋ، مۇعالىمدەردىڭ ماقساتتى تۇردە بىلىكتىلىگىن ارتتىرۋ، بىلىكتىلىكتى ارتتىرۋ باعدارلامالارىن وزگەرتۋ جانە ت.ب. بويىنشا شەشىمدەر قابىلداي الامىز. جازعى ۇبت قورىتىندىسى بويىنشا ءاربىر مەكتەپ، وبلىس، مۇعالىم جانە تۇلەك وسىنداي تالداۋ الادى", - دەدى اسحات ايماعامبەتوۆ.
"ادىرنا" ۇلتتىق پورتالى 
پىكىرلەر
رەداكتسيا تاڭداۋى
Серіктестер/Партнеры
Студия IMA - создание сайтов Доставка цветов Астана - Lova Buket