UBT: Ákimdikterdiń oblys reıtıngine yqpal etý áreketteri toqtatyldy - Aımaǵambetov

6155

Birneshe jyl buryn biz UBT qorytyndysy boıynsha mektepter reıtıngin ótkizýge tyıym salý týraly sheshim qabyldadyq. Sondaı-aq mektepter oqýshylardy UBT-ǵa tirkeý jáne ótinishter jınaý mindetinen bosatyldy. Bul týraly Bilim jáne ǵylym mınıstri Ashat Aımaǵambetov óz Facebook paraqshasynda jazdy, dep habarlaıdy "Adyrna" ulttyq portaly.

"Munyń birneshe sebebi boldy. Onyń ishinde - mektep basshylarynyń 10-11 synyp oqýshylaryn test suraqtary boıynsha basqa pánderge zııanyn tıgize otyryp, jasandy túrde tartýǵa shekten tys umtylysy, ótinishterdi jınaýda muǵalimderge qosymsha júkteme. Sonymen qatar úlgerimi nashar oqýshylardy UBT-ǵa qatysýdan shettetý, ákimdikterdiń óńirdiń ortasha upaıyn ártúrli tásilmen kóbeıtýge tyrysýy jáne t.b. Bul rette UBT-nyń ortasha balynyń ózi dıagnostıkalyq fýnkııany oryndaı almady. Tek ortasha baldy bilý paıdaly aqparatpen qamtamasyz etilýdi ǵana bildirmeıdi. Al eger taqyryptar men pánder boıynsha taldaý bolsa, bul basqarýshylyq sheshimderdi qabyldaýǵa múmkindik beredi", - dedi Aımaǵambetov.
Mınıstr qabyldanǵan sheshimder pedagogter men mektepterge túsetin júktemeni azaıtyp, nátıjesinde oblys reıtıngine yqpal etý áreketteri toqtatylǵanyn málimdedi.
"Qazir qabyldanǵan sheshim óz rólin atqarǵanyn, pedagogter men mektepterge túsetin júktemeni azaıtqanyn kórip otyrmyz. Iaǵnı oqýshylar UBT-ǵa elektrondy formatta óz betinshe ótinish berdi jáne olardy UBT-dan shettetý, sondaı-aq tek test arqyly ǵana daıyndaý jáne ákimdikterdiń oblys reıtıngine yqpal etý áreketteri toqtatyldy. Endi UBT qorytyndysy boıynsha ár mektep, oblys, tipti pán boıynsha taldaý jasap, ony mektepterdiń jumysyn baǵalaý úshin paıdalanýǵa sheshim shyǵardyq. Elektrondy formatqa kóshý endi testileýge taqyryptyq taldaý jasaýǵa múmkindik beredi. Mundaı jańalyqty biz naýryz aıyndaǵy UBT kezinde pılottyq rejımde engizdik. Bul neni bildiredi? Endi túlek testileýdi aıaqtaǵannan keıin jınaǵan upaılarynyń nátıjesin ǵana emes, sonymen qatar qandaı taqyryptardy biletini jáne qaısysyna kóńil bólý qajet ekeni týraly qosymsha taldaý alady. Dál osyndaı taldaýdy mektepke de, naqty pánge qatysty da, aýdan, oblys jáne jalpy respýblıka kóleminde de jasaımyz", - dep jazdy Bilim jáne ǵylym mınıstri.
Sonymen qatar mınıstr oqýshylar ózderiniń álsiz tustaryn anyqtap, qatelermen jumys isteý múmkindigine ıe bolatynyn habarlady.
"Bul ne beredi? Bul sheshim testileýshilerge qandaı taqyryptarǵa nazar aýdarý, qandaı taqyryptardy kúsheıtý keregin kórýge múmkindik beredi. Iaǵnı synaqqa qatysýshylar qazirdiń ózinde ózderiniń álsiz tustaryn anyqtap, jeke taqyryptarǵa kóbirek ýaqyt bólip, qatelermen jumys isteı alady. Sonymen qatar muǵalimder de oqýshylardyń qandaı taqyryptarda qınalǵanyn kóredi. Mektepti alatyn bolsaq, mysaly, matematıka páni muǵaliminiń oqýshylarynyń bir bóligi keıbir esepterdi nashar shyǵaratynyn baıqaýǵa bolady. Taldaý sebepterdi anyqtaýǵa septigin tıgizedi. Dálirek aıtqanda, muǵalimniń ózi túsindirýde qınalatyny ne baǵdarlamada ýaqyt jetkiliksizdigi, oqýlyqtaǵy suraqtar máselesi jáne t.b. Tıisinshe, taldaýǵa baılanysty oqý baǵdarlamalaryn pysyqtaý, muǵalimderdiń maqsatty túrde biliktiligin arttyrý, biliktilikti arttyrý baǵdarlamalaryn ózgertý jáne t.b. boıynsha sheshimder qabyldaı alamyz. Jazǵy UBT qorytyndysy boıynsha árbir mektep, oblys, muǵalim jáne túlek osyndaı taldaý alady", - dedi Ashat Aımaǵambetov.
"Adyrna" ulttyq portaly 
Pikirler
Redakııa tańdaýy