Kaspi.kz قر تسيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگىمەن جانە «ۇلتتىق اقپاراتتىق تەحنولوگيالار» اق-مەن بىرلەسىپ «تسيفرلىق قۇجاتتار» سەرۆيسىن ىسكە قوستى.
ەندى قازاقستاندىقتارعا جەكە كۋالىك، ەكپە تولقۇجاتى، جۇرگىزۋشى كۋالىگى، نەكە تۋرالى كۋالىك، تۋ تۋرالى كۋالىك جانە باسقا دا تسيفرلىق قۇجاتتار Kaspi.kz سۋپەرقوسىمشاسىندا قولجەتىمدى.
قۇجاتتار سەنىمدى قورعالعان. قۇجاتتارعا قول جەتكىزۋ ءۇشىن پايدالانۋشى ءوزىنىڭ كەلىسىمىن بىررەتتىك پارولمەن راستاۋى كەرەك.
«تسيفرلىق قۇجاتتارمەن» حقكو-دا قىزمەت الۋعا، ىشكى اۋە رەيستەرىنە تىركەۋدەن وتۋگە، قازاقستان بويىنشا پويىزبەن جول جۇرۋگە، نوتاريۋستاردىڭ قىزمەتىن جانە باسقا دا كوپتەگەن قىزمەتتى پايدالانۋعا بولادى.
Kaspi.kz باسشىسى جانە نەگىزىن قالاۋشىلاردىڭ ءبىرى ميحايل لومتادزە بىلاي دەدى:
«Kaspi.kz باسشىسى ءارى نەگىزىن قالاۋشىلاردىڭ ءبىرى ميحايل لومتادزە:
«ءبىز Kaspi.kz سۋپەرقوسىمشاسىنىڭ «مەملەكەتتىك قىزمەتتەر» ءبولىمىن جەتىلدىرۋدى جالعاستىرامىز. ارنايى سۇيىكتى كليەنتتەرىمىز ءۇشىن جانە تسيفرلاندىرۋ مينيسترلىگىمەن جانە «ۇات» اق-پەن ىنتىماقتاستىقتا جاڭا يننوۆاتسيالىق «تسيفرلىق قۇجاتتار» سەرۆيسىن ازىرلەدىك، ونىڭ كومەگىمەن قازاقستاندىقتار ءوز قۇجاتتارىنا قاۋىپسىز ءارى ىڭعايلى قول جەتكىزە الادى.
ەندى ەڭ ماڭىزدى قۇجاتتار ەلىمىزدەگى ەڭ تانىمال Kaspi.kz قوسىمشاسىندا ءاردايىم قولجەتىمدى. ءبىز بارلىق ازاماتتار ءۇشىن قىزمەتتەردى قولجەتىمدى ەتۋ جانە سۇيىكتى كليەنتتەرىمىزدىڭ ءومىرىن جاقسارتاتىن يننوۆاتسيالىق سەرۆيستەردى ازىرلەۋ جولىندا الداعى ۋاقىتتا دا مەملەكەتكە كومەكتەسەمىز».
«بۇگىنگى تاڭدا تسيفرلىق قۇجاتتاردى 10 ميلليونعا جۋىق قازاقستاندىق پايدالانادى. بۇل ىڭعايلى، سەبەبى قۇجاتتاردىڭ تۇپنۇسقاسىن وزىڭىزبەن بىرگە الىپ ءجۇرۋدىڭ قاجەتى جوق. قولدانۋ ودان دا ىڭعايلى بولۋى ءۇشىن ءبىز بۇل سەرۆيستى قازاقستاندىق پايدالانۋشىلاردىڭ اراسىندا تانىمال پلاتفورمالارعا دا شىعارامىز، بىراق بۇل فۋنكتسيونال ازاماتتىڭ ءوزىنىڭ كەلىسىمىمەن عانا قولجەتىمدى بولادى»، - دەدى قر تسيفرلىق دامۋ، يننوۆاتسيالار جانە اەروعارىش ونەركاسىبى ءمينيسترى باعدات مۋسين.
Kaspi.kz تۋرالى
Kaspi.kz ميسسياسى – سۇيىكتى كليەنتتەرىمىزدىڭ ءومىرىن جاقسارتاتىن يننوۆاتسيالىق ونىمدەر مەن قىزمەتتەر جاساۋ.
ءبىزدىڭ يننوۆاتسيامىزدىڭ نەگىزىندە ەلدەگى ەڭ تانىمال، 11 ميلليوننان استام قازاقستاندىق قولداناتىن ءموبيلدى سۋپەرقوسىمشا Kaspi.kz تۇر. Kaspi.kz سۋپەرقوسىمشاسىنىڭ كومەگىمەن ءبىزدىڭ كليەنتتەرىمىز تولەم جانە اۋدارىم جاساپ، جەكە قاراجاتتارىن باسقارادى، اۋە جانە تەمىرجول بيلەتتەرىن ساتىپ الادى، تەگىن جەتكىزۋ ارقىلى ونلاين، ءتيىمدى زات ساتىپ الادى جانە ەڭ تانىمال مەملەكەتتىك قىزمەتتەردى پايدالانادى.
”ادىرنا” ۇلتتىق پورتالى
