ەكونوميكا ءمينيسترى قازاقستاندىقتاردىڭ اقش-تاعى شوتتارىن انىقتاۋعا ۋادە بەردى

6018
Adyrna.kz Telegram

جاڭا ۇلتتىق ەكونوميكا ءمينيسترى الىبەك قۋانتىروۆ قازاقستاندىقتاردىڭ اقش-تاعى شوتتارىن انىقتاۋعا ۋادە بەردى. بۇل تۋرالى مينيستر ءماجىلىس وتىرىسىندا مالىمدەدى، - دەپ حابارلايدى ”ادىرنا” ۇلتتىق پورتالى "استانا" تەلەارناسىنا سىلتەمە جاساي وتىرىپ.

مينيستر حالىقارالىق سالىق ءتارتىبىن جەتىلدىرۋ تۋرالى كەلىسىمگە قول جەتكىزۋگە ۇمىتتەنەدى. قۇجات اياسىندا حالىق پەن بارلىق قارجى ۇيىمى اقش-تاعى شوتتار تۋرالى ەسەپ بەرۋگە مىندەتتەلەدى. اقپارات بەرۋدەن باس تارتقان جاعدايدا ولاردىڭ بانك اۋدارىمدارىنان 30 پايىزعا دەيىن ۇستاپ قالادى.

قازاقستان وسى كەلىسىمگە جاقىن ارادا قوسىلادى. دەپۋتاتتار بۇل يدەيانى ماقۇلدادى.

"كەلىسىمگە قوسىلعان قارجى ينستيتۋتتارى قازاقستاندا شوت اشقان بارلىق امەريكالىق جەكە جانە زاڭدى تۇلعا تۋرالى اقپاراتتى انىقتاۋعا جانە اشكەرەلەۋگە مىندەتتەلەدى. قازاقستاننىڭ كەلىسىمگە قوسىلۋى اقش-تا شوت اشقان بارلىق قازاقستاندىق جەكە جانە زاڭدى تۇلعا تۋرالى اقپارات الۋعا مۇمكىندىك بەرەدى", - دەپ مالىمدەدى قۋانتىروۆ.

“ادىرنا” ۇلتتىق پورتالى

پىكىرلەر