ۇلتتىق بىرىڭعاي تەستىلەۋدەن وتۋگە بۇگىنگى تاڭدا 96963 تۇلەك ءوتىنىش بەرىپ، ولاردىڭ 73 مىڭى قازاق تىلىندە تاپسىرۋعا بەل بۋىپ وتىر. بۇل تۋرالى وقك-دا وتكەن ءباسپاسوز ءماسليحاتىندا قر بعم «ۇلتتىق تەستىلەۋ ورتالىعى» رمقك ديرەكتورى رامازان الىمقۇلوۆ ءمالىم ەتتى.
ۇلتتىق بىرىڭعاي تەستىلەۋدى وتكىزۋگە بيۋدجەتتەن قانشا قاراجات جۇمسالادى مينيستر ساعاديەۆ تۇلەكتەردى ليمۋزينمەن قىدىرتۋعا كوزقاراسىن ءبىلدىردى قازاقستاندا ۇبت-نى اعىلشىن تىلىندە تاپسىرۋعا 200 تۇلەك ءوتىنىش بەردى «ءبىلىم، اۋىل شارۋاشىلىعى، ۆەتەريناريا سالالارى بويىنشا 60 بال مينيمالدى شەكتەۋلى بال بولىپ سانالادى. ۇلتتىق ۋنيۆەرسيتەتتەردە - 65 بال. مەديتسينا بويىنشا 65 بال. ياعني، بۇرىنعىدان ەشقانداي وزگەرىس جوق»، - دەدى ول. ونىڭ ايتۋىنشا، ۇبت-عا دايىندىق شارالارى جۇرگىزىلىپ جاتىر. ونىڭ ىشىندە تەست سۇراقتارىنىڭ 50 پايىزى جاڭارتىلعان. بىلتىر 40 مىڭ سۇراق بولسا، بيىل قوردا 110 مىڭ سۇراق بار. ونىڭ ىشىندە 3 مىڭدايى اعىلشىن تىلىندە. 119 مىڭ سۇراقتىڭ ىشىندە 11 پايىزى فۋنكتسيونالدىق ساۋاتتىلىققا باعىتتالعان. «بۇگىنگى تاڭدا 96 963 تۇلەك ءوتىنىش بەردى. سونىڭ ىشىندە ءبىر قۋانىشتى جاعداي، 96 مىڭنىڭ ىشىندە 73 مىڭ تۇلەك قازاق تىلىندە تاپسىرامىن دەپ ءوتىنىش ءبىلدىرىپ وتىر. بۇل تۇلەكتەردىڭ 80 پايىزعا جۋىعى. ال جالپى، بيىلعى تۇلەكتەردىڭ سانى - 146 مىڭ»، - دەدى رامازان الىمقۇلوۆ.
______________________________________________________________________________________________________
قازاقپارات
