Ulttyq Biryńǵaı testileýden ótýge búgingi tańda 96963 túlek ótinish berip, olardyń 73 myńy qazaq tilinde tapsyrýǵa bel býyp otyr. Bul týraly OQK-da ótken baspasóz máslıhatynda QR BǴM «Ulttyq testileý ortalyǵy» RMQK dırektory Ramazan Álimqulov málim etti.
Ulttyq biryńǵaı testileýdi ótkizýge bıýdjetten qansha qarajat jumsalady Mınıstr Saǵadıev túlekterdi lımýzınmen qydyrtýǵa kózqarasyn bildirdi Qazaqstanda UBT-ny aǵylshyn tilinde tapsyrýǵa 200 túlek ótinish berdi «Bilim, aýyl sharýashylyǵy, veterınarııa salalary boıynsha 60 bal mınımaldy shekteýli bal bolyp sanalady. Ulttyq ýnıversıtetterde - 65 bal. Medıına boıynsha 65 bal. Iaǵnı, burynǵydan eshqandaı ózgeris joq», - dedi ol. Onyń aıtýynsha, UBT-ǵa daıyndyq sharalary júrgizilip jatyr. Onyń ishinde test suraqtarynyń 50 paıyzy jańartylǵan. Byltyr 40 myń suraq bolsa, bıyl qorda 110 myń suraq bar. Onyń ishinde 3 myńdaıy aǵylshyn tilinde. 119 myń suraqtyń ishinde 11 paıyzy fýnkıonaldyq saýattylyqqa baǵyttalǵan. «Búgingi tańda 96 963 túlek ótinish berdi. Sonyń ishinde bir qýanyshty jaǵdaı, 96 myńnyń ishinde 73 myń túlek qazaq tilinde tapsyramyn dep ótinish bildirip otyr. Bul túlekterdiń 80 paıyzǵa jýyǵy. Al jalpy, bıylǵy túlekterdiń sany - 146 myń», - dedi Ramazan Álimqulov.
______________________________________________________________________________________________________
QazAqparat
