الماتىداعى رەسەي كونسۋلدىعىندا بۋچاداعى قاندى قىرعىن قۇرباندارىن ەسكە الۋعا ارنالعان ميتينگكە قاتىسۋشىلار ۇستالدى، دەپ حابارلايدى “ادىرنا” ۇلتتىق پورتالى.
الەۋمەتتىك جەلىلەردە تاراعان كوپتەگەن كادرلاردان پوليتسيانىڭ نارازىلىق بىلدىرۋشىلەر – «ويان، قازاقستان» قوزعالىسىنىڭ وكىلدەرىن ۇستاپ الىپ، اۆتوزاكتارعا سالىپ جاتقانىن كورۋگە بولپدى. نارازىلىق بىلدىرۋشىلەردىڭ اراسىندا جۋرناليست اسەم جاپىشەۆا مەن بەلگىلى بەلسەندى دارحان ءشارىپ بار.
ۋكراينا جالاۋلارىن ۇستاعان بەلسەندىلەر ەلشىلىك عيماراتىنىڭ جانىندا قولدارىن ارتقا بايلاپ جاتىپ العان. ولار وسىلايشا ۋكرايناداعى بۋچادا بولعان قايعىلى وقيعاعا ورتاقتاساتىندارىن ءبىلدىردى. ەرەۋىل 3 مينۋتقا سوزىلعان.
فوتولار: masa.media
ايتا كەتەيىك، رەسەي اسكەرلەرى قالادان شىعارىلعاننان كەيىن 400-دەن استام جەرگىلىكتى تۇرعىنداردىڭ ايۋاندىقپەن ولتىرىلگەن مايىتتەرى تابىلعاندىعى تۋرالى اقپارات الەمدى شارلاپ كەتكەن بولاتىن. بۇل وقيعا “بۋچاداعى قىرعىن” اتالىپ كەتتى.
“ادىرنا” ۇلتتىق پورتالى
