Almatydaǧy Resei konsuldyǧynda Buchadaǧy qandy qyrǧyn qūrbandaryn eske aluǧa arnalǧan mitingke qatysuşylar ūstaldy, dep habarlaidy “Adyrna” ūlttyq portaly.
Äleumettık jelılerde taraǧan köptegen kadrlardan polisiianyŋ narazylyq bıldıruşıler – «Oian, Qazaqstan» qozǧalysynyŋ ökılderın ūstap alyp, avtozaktarǧa salyp jatqanyn köruge bolpdy. Narazylyq bıldıruşılerdıŋ arasynda jurnalist Äsem Jäpışeva men belgılı belsendı Darhan Şärıp bar.
Ukraina jalaularyn ūstaǧan belsendıler elşılık ǧimaratynyŋ janynda qoldaryn artqa bailap jatyp alǧan. Olar osylaişa Ukrainadaǧy Buchada bolǧan qaiǧyly oqiǧaǧa ortaqtasatyndaryn bıldırdı. Ereuıl 3 minutqa sozylǧan.
Fotolar: masa.media
Aita keteiık, Resei äskerlerı qaladan şyǧarylǧannan keiın 400-den astam jergılıktı tūrǧyndardyŋ aiuandyqpen öltırılgen mäiıtterı tabylǧandyǧy turaly aqparat älemdı şarlap ketken bolatyn. Būl oqiǧa “Buchadaǧy qyrǧyn” atalyp kettı.
“Adyrna” ūlttyq portaly
