ءساۋىردىڭ 12-ءسى كۇنى الماتى وبلىسىنداعى مەديتسينا كوللەدجىنىڭ ءتورت ستۋدەنتى دونەردەن ۋلانىپ، اۋرۋحاناعا جاتقىزىلدى. بۇل تۋرالى الماتى وبلىسى پوليتسيا دەپارتامەنتى ءنىڭ ءباسپاسوز قىزمەتى جاريالادى، دەپ حابارلايدى “ادىرنا” ۇلتتىق پورتالى.
«قىزدار تالعاردا دونەر جەگەننەن كەيىن وزدەرىن ناشار سەزىنگەنىن ايتتى. قازىر اۋداندىق سەس ماماندارىنىڭ قاتىسۋىمەن وسى فاكتى بويىنشا تەكسەرۋ باستالدى»، – دەدى الماتى وبلىسى پد ءباسپاسوز قىزمەتىندەگىلەر.
ۆەدومستۆونىڭ مالىمەتىنشە، تەكسەرۋ جۇرگىزۋ ءۇشىن دونەر ساتاتىن ورىننىڭ قىزمەتى توقتاتىلعان. تەكسەرۋ قورىتىندىسى بويىنشا ناقتى پروتسەسسۋالدىق شەشىم قابىلدانادى.
”ادىرنا” ۇلتتىق پورتالى
