قازاقستاندىق كاسىپقوي بوكسشى گەننادي گولوۆكين مامىردىڭ 5-ىندە (استانا ۋاقىتى بويىنشا جەكسەنبى كۇنى تاڭەرتەڭ) اقش-تىڭ كاليفورنيا شتاتىنداعى كارسون قالاسىندا وتكەن كەزدەسۋدىڭ ەكىنشى راۋندىندا امەريكالىق ۆانەس مارتيروسياندى نوكاۋتپەن جەڭدى.
وقي وتىرىڭىز: گولوۆكين مارتيروسياندى ەكىنشى راۋندتا قۇلاتتى
بۇل 36 جاستاعى گولوۆكيننىڭ كاسىپقوي بوكستاعى 38-جەڭىسى (34 كەزدەسۋىن نوكاۋتپەن ۇتقان). وسىمەن 39 رەت جەكپە-جەك وتكىزگەن قازاقستاندىق بوكسشى بۇنىڭ الدىندا 2017 جىلى قىركۇيەكتە مەكسيكالىق ساۋل الۆارەسپەن تەڭ تۇسكەن بولاتىن.
32 جاستاعى مارتيروسيان وسىمەن كاسىپقوي بوكستاعى 41 كەزدەسۋىن وتكىزىپ،
ءتورتىنشى رەت جەڭىلدى. ول 36 كەزدەسۋدە جەڭىپ، ءبىر جەكپە-جەكتى تەڭ اياقتاعان.
گولوۆكين بۇگىنگى كەزدەسۋ ناتيجەسىندە WBA, WBC, IBO تۇجىرىمدارى بويىنشا الەم چەمپيونى اتاعىن قورعاپ قالدى. قازاقستاندىق بوكسشى - IBF تۇجىرىمى بويىنشا دا الەم چەمپيونى. بىراق IBF (حالىقارالىق بوكس فەدەراتسياسى) بۇل جەكپە-جەككە سانكتسيا سالىپ، گولوۆكينگە IBF بەلبەۋىن قورعاۋعا رۇقسات بەرمەگەن. ۇيىم گولوۆكين IBF بەلبەۋىن قورعاۋ ءۇشىن ۋكراينالىق سەرگەي دەرەۆيانچەنكومەن كەزدەسۋى ءتيىس دەپ سانايدى.
____________________________________________________________________________________________________________________
ۇقساس جاڭالىقتار
azattyq.org