جامبىل وبلىسىنىڭ اكىمى نۇرجان نۇرجىگىتوۆتىڭ توراعالىعىمەن وتكەن كەڭەستە تاراز قالاسىنداعى كارىز تازارتۋ نىسانىنىڭ ماسەلەلەرى قارالدى.
ايماق باسشىسى ماسەلەنىڭ وزەكتىلىگىن، بۇل تۋرالى ءبىر اپتا بۇرىن جيىندا جان-جاقتى قارالعانىن، سول كەزدە بەرىلگەن تاپسىرمانىڭ ورىندالۋ بارىسىن سۇرادى.
ەنەرگەتيكا جانە تۇرعىن ءۇي كوممۋنالدىق شارۋاشىلىعى باسقارماسىنىڭ باسشىسى قۇدايبەرگەن قورعانباەۆ جوبا بويىنشا ەكى ۇسىنىس قارالعانىن جەتكىزدى.
- جوبا ۇلكەن. تەحنيكالىق شەشىمدەر قابىلاۋدا كەرەك بولادى،-دەي كەلە وبلىس اكىمى ءوزىنىڭ ءتيىستى ورىنباسارى مەن وزگە دە جاۋاپتىلارعا ۇسىنىستار بويىنشا جان-جاقتى تالداۋ مەن ەسەپتەۋلەر جۇرگىزىپ، تيىمدىلىگى بويىنشا ناقتى تاڭداۋ جۇرگىزۋدى تاپسىردى. كومپانيانىڭ وسى سالاداعى تاجىريبەسىنە، ساپا مەن قارجىنىڭ ۇنەمدەۋگە قاتىستى جاعدايلارعا باسا نازار اۋدارۋ كەرەكتىگىن ەسكەرتتى.
نۇرجان نۇرجىگىتوۆ نىسانداعى قازىرگى جاعداي بويىنشا قانداي شەشىمدەر قابىلدانىپ جاتقانىن سۇرادى.
قالا اكىمى ەرجان جىلقىباەۆ «قازاق سۋ شارۋاشىلىعى عىلىمي-زەرتتەۋ ينستيتۋتى» جشس قورىتىندىسىن نەگىزگە الىپ جانە سۇزگى القابىندا قالدىق سۋلاردىڭ شەكتەن تىس كوبەيۋىنە بايلانىستى اپاتتىق جاعدايدىڭ ورىن الۋى ەسكەرىلىپ، توتەنشە جاعداي اۋماعى رەتىندە قابىلداۋ ماسەلەسى قارالۋدا ەكەنىن اتاپ ءوتتى.
بۇگىندە ورىن الىپ وتىرعان ەكولوگيالىق اپاتتىڭ الدىن الۋ ماقساتىندا قوسىمشا كارتالار سالۋعا جامبىل اۋدانىنان 20 گا جەر تەلىمى بولىنگەن. قازىرگى تاڭدا مەحانيكالىق وترياد مەكەمەسى تاراپىنان يماراتتىڭ جوبالىق-سمەتالىق قۇجاتتارى ازىرلەنۋدە.
وبلىس اكىمى جۇمىستاردى تەزىرەك باستاۋعا نازار اۋدارتىپ، جاۋاپتىلارعا ناقتى تاپسىرمالار جۇكتەدى.
