Jambyl oblysynyŋ äkımı Nūrjan Nūrjıgıtovtıŋ töraǧalyǧymen ötken keŋeste Taraz qalasyndaǧy kärız tazartu nysanynyŋ mäselelerı qaraldy.
Aimaq basşysy mäselenıŋ özektılıgın, būl turaly bır apta būryn jiynda jan-jaqty qaralǧanyn, sol kezde berılgen tapsyrmanyŋ oryndalu barysyn sūrady.
Energetika jäne tūrǧyn üi kommunaldyq şaruaşylyǧy basqarmasynyŋ basşysy Qūdaibergen Qorǧanbaev joba boiynşa ekı ūsynys qaralǧanyn jetkızdı.
- Joba ülken. Tehnikalyq şeşımder qabylauda kerek bolady,-dei kele oblys äkımı özınıŋ tiıstı orynbasary men özge de jauaptylarǧa ūsynystar boiynşa jan-jaqty taldau men esepteuler jürgızıp, tiımdılıgı boiynşa naqty taŋdau jürgızudı tapsyrdy. Kompaniianyŋ osy saladaǧy täjıribesıne, sapa men qarjynyŋ ünemdeuge qatysty jaǧdailarǧa basa nazar audaru kerektıgın eskerttı.Nūrjan Nūrjıgıtov nysandaǧy qazırgı jaǧdai boiynşa qandai şeşımder qabyldanyp jatqanyn sūrady. Qala äkımı Erjan Jylqybaev «Qazaq su şaruaşylyǧy ǧylymi-zertteu instituty» JŞS qorytyndysyn negızge alyp jäne süzgı alqabynda qaldyq sulardyŋ şekten tys köbeiuıne bailanysty apattyq jaǧdaidyŋ oryn aluy eskerılıp, tötenşe jaǧdai aumaǧy retınde qabyldau mäselesı qaraluda ekenın atap öttı. Bügınde oryn alyp otyrǧan ekologiialyq apattyŋ aldyn alu maqsatynda qosymşa kartalar saluǧa Jambyl audanynan 20 ga jer telımı bölıngen. Qazırgı taŋda mehanikalyq otriad mekemesı tarapynan imarattyŋ jobalyq-smetalyq qūjattary äzırlenude. Oblys äkımı jūmystardy tezırek bastauǧa nazar audartyp, jauaptylarǧa naqty tapsyrmalar jüktedı.
