موڭعوليانىڭ استاناسى – ۇلان-باتىر قالاسىندا كۇرەس تۇرلەرىنەن ءوتىپ جاتقان ازيا چەمپيووناتىندا قازاقستان قۇراماسى ساپىنداعى ەگىز بالۋاندار ءجاميلا مەن ءمادينا باقبەرگەنوۆالار ەلىمىزدىڭ ءانۇرانىن ويناتىپ، كوك بايراعىن جەلبىرەتىپ، قۇرمەت تۇعىرىنىڭ ەڭ بيىك ساتىسىنان كورىندى.
چەمپيوناتتا 68 كەلىگە دەيىنگى سالماقتا ءمادينا باقبەرگەنوۆا فينالدا توكيو وليمپياداسىنىڭ قولا جۇلدەگەرى، قىرعىز قىزى مەەريم جۇمانازاروۆانى 3:2 ەتىپ ۇتىپ، التىن جۇلدەنى جەڭىپ السا، ونىڭ ەگىز سىڭارى ءجاميلا 72 كەلىگە دەيىنگى سالماقتا جاپون، وزبەك، ءۇندى جانە موڭعول بالۋاندارىن جەڭىپ، ازيا چەمپيونى اتاندى.
ول 2020 جىلى ءۇندىستاندا وتكەن چەمپيوناتتا دا توپ جارعان بولاتىن.
76 كەلىگە دەيىنگى سالماقتا گۇلمارال ەركەباەۆا قولا مەدالعا يە بولدى. ال 53 كەلىگە دەيىنگى سالماقتاعى جۇلدىز ەشىموۆا قولا جۇلدە ءۇشىن وزبەكستاندىق قازاق قىزى اقتەڭگە كەۋنىمجاەۆامەن كۇرەسەدى.
قازاقستان قۇراماسى ازىرشە كوماندالىق ەسەپتە ءبىرىنشى ورىندا تۇر. چەمپيونات 24 ساۋىردە اياقتالادى.
”ادىرنا” ۇلتتىق پورتالى
