بۇگىن رايىمبەك اۋدانى، نارىنقول اۋدانىندا سپورتتىق كەشەننىڭ اشىلۋ سالتاناتى ءوتتى. اشىلۋ راسىمىنە الماتى وبلىسى اكىمىنىڭ ورىنباسارى ارسلان داندىباەۆ، رايىمبەك اۋدانىنىڭ اكىمى نۇرجان قۇدايبەرگەنوۆ، ەرەجەسىز جەكپە-جەكتەن ءۇش دۇركىن الەم چەمپيونى ارداق نازاروۆ پەن سپورت ارداگەرى بەكبولات بيرباەۆ ت.ب. قاتىستى.
ارسلان دالاباەۆتىڭ ايتۋىنشا، جەتىسۋ جەرىندە بۇقارالىق سپورتتى دامىتۋعا ۇلكەن كوڭىل بولىنۋدە.
- بيىلعى جىل ءبىزدىڭ ەلىمىز ءۇشىن وتە ماڭىزدى-تاۋەلسىزدىكتىڭ 30 جىلدىعى. وسى جىلدار ارالىعىندا كولەمدى ىستەر اتقارىلدى. بۇل رەتتە ءبىزدىڭ الماتى وبلىسىندا جىلدان جىلعا حالىقتىڭ ءال-اۋقاتى جاقسارىپ، بارلىق قاجەتتى جاعدايلار جاسالۋدا.پرەزيدەنت قاسىم-جومارت توقاەۆتىڭ الدىمىزعا قويعان مىندەتتەرىنە سايكەس، مەملەكەتتىك قولداۋدىڭ، قاجىرلى ەڭبەكتىڭ جانە حالىق بىرلىگىنىڭ ارقاسىندا ءبىز بارلىق سالادا تۇراقتى دامۋدى جالعاستىرىپ كەلەمىز. وزدەرىڭىز بىلەتىندەي، 2018 جىلى مەملەكەت باسشىسى نۇرسۇلتان نازارباەۆتىڭ جارلىعىمەن رايىمبەك جانە كەگەن اۋداندارى قايتا قۇرىلدى.وسىعان بايلانىستى اۋدان ورتالىعىندا اكىمشىلىك عيماراتتاردى سالۋ، جوندەۋ جۇمىستارى باستالدى، جاڭا تۇرعىن ۇيلەر سالىنىپ، پايدالانۋعا بەرىلدى. قىسقا ۋاقىت ىشىندە ۇلكەن جۇمىس جاسالدى.مۇنىڭ ءبارى ەل ءۇشىن، بولاشاق ۇرپاق ءۇشىن جاسالادى. جىل سايىن وبلىستا مەرەيتويلىق ءىس-شارالار وتكىزىلەدى.بيىل قازاقستان رەسپۋبليكاسى تاۋەلسىزدىگىنىڭ 30 جىلدىعىنا، تالدىقورعاننىڭ 20 جىلدىعىنا، جامبىل جاباەۆتىڭ 175 جىلدىعىنا، مۇقاعالي ماقاتاەۆتىڭ 90 جىلدىعىنا ارنالعان ءتۇرلى مادەني-بۇقارالىق ءىس-شارالار جوسپارلى تۇردە وتكىزىلۋدە. سپورتقا ەرەكشە كوڭىل بولىنەدى. بۇگىندە وڭىردە 11 دەنە شىنىقتىرۋ-ساۋىقتىرۋ كەشەنى جۇمىس ىستەيدى. بۇل كەشەن ون ەكىنشى بولدى. سىزدەردى دەنە شىنىقتىرۋ-ساۋىقتىرۋ كەشەنىنىڭ اشىلۋىمەن قۇتتىقتايمىز، - دەدى ول.
سۋ جاڭا عيمارات ىشىندە بوكس، كۇرەس، فۋتبول، جاتتىعۋ زالدارى مەن ستاديون بار. سونداي-اق، مەديتسينالىق جانە ماسساج كابينەتى، اكىمشىلىك ءۇي-جايلارى، گاردەروبى بار بۋفەت جانە ۆەستيبيۋل ورنالاسقان.
كوماندالىق ويىندار زالى ۆولەيبول، باسكەتبول، گاندبول، ميني-فۋتبول، بادمينتون، تەننيسكە ارنالعان.سپورت كەشەنىندە كورەرمەن تريبۋناسى 180 ورىنعا ەسەپتەلگەن.
- بۇل سپورت كەشەنىندە تەك بالالار مەن جاسوسپىرىمدەر عانا ەمەس، مەملەكەتتىك قىزمەتكەرلەردەن باستاپ زەينەتكەرلەرگە دەيىنگى بارلىق اۋىل تۇرعىندارى دا اينالىسا الادى. وسى ايماقتان كوپتەگەن سپورتشىلار شىقتى. مىسالى، ەركىن كۇرەستەن رۋسلان جۇمابەكوۆ، ارداق نازاروۆ، بەيبىت نازاروۆ، جاسۇلان قىدىرباەۆ تا رايىمبەك اۋدانىنىڭ تۋمالارى. وسىنداي زاماناۋي سپورت كەشەنىنەن الەمدىك جارىستاردا وليمپيادا شىڭدارىن باعىندىراتىن سپورتشىلار شىعادى دەپ ۇمىتتەنەمىز، - دەپ قورىتىندىلادى الماتى وبلىسى دەنە شىنىقتىرۋ جانە سپورت باسقارماسىنىڭ باسشىسى نۇرباقىت تەڭىزباەۆ.
