Almaty oblysynda zamanaui deneşynyqtyru-sauyqtyru keşenı aşyldy

Bügın Raiymbek audany, Narynqol audanynda sporttyq keşennıŋ aşylu saltanaty öttı. Aşylu räsımıne Almaty oblysy äkımınıŋ orynbasary Arslan Dandybaev, Raiymbek audanynyŋ äkımı Nūrjan qūdaibergenov, erejesız jekpe-jekten üş dürkın älem chempiony Ardaq Nazarov pen sport ardagerı Bekbolat Birbaev t.b. qatysty. Arslan Dalabaevtyŋ aituynşa, Jetısu jerınde būqaralyq sportty damytuǧa ülken köŋıl bölınude.

- Biylǧy jyl bızdıŋ elımız üşın öte maŋyzdy-täuelsızdıktıŋ 30 jyldyǧy.  Osy jyldar aralyǧynda kölemdı ıster atqaryldy. Būl rette bızdıŋ Almaty oblysynda jyldan jylǧa halyqtyŋ äl-auqaty jaqsaryp, barlyq qajettı jaǧdailar jasaluda.Prezident Qasym-Jomart Toqaevtyŋ aldymyzǧa qoiǧan mındetterıne säikes, memlekettık qoldaudyŋ, qajyrly eŋbektıŋ jäne halyq bırlıgınıŋ arqasynda bız barlyq salada tūraqty damudy jalǧastyryp kelemız. Özderıŋız bıletındei, 2018 jyly Memleket basşysy Nūrsūltan Nazarbaevtyŋ Jarlyǧymen Raiymbek jäne Kegen audandary qaita qūryldy.Osyǧan bailanysty audan ortalyǧynda äkımşılık ǧimarattardy salu, jöndeu jūmystary bastaldy, jaŋa tūrǧyn üiler salynyp, paidalanuǧa berıldı. Qysqa uaqyt ışınde ülken jūmys jasaldy.Mūnyŋ bärı el üşın, bolaşaq ūrpaq üşın jasalady. Jyl saiyn oblysta mereitoilyq ıs-şaralar ötkızıledı.Biyl Qazaqstan Respublikasy Täuelsızdıgınıŋ 30 jyldyǧyna, Taldyqorǧannyŋ 20 jyldyǧyna, Jambyl Jabaevtyŋ 175 jyldyǧyna, Mūqaǧali Maqataevtyŋ 90 jyldyǧyna arnalǧan türlı mädeni-būqaralyq ıs-şaralar josparly türde ötkızılude. Sportqa erekşe köŋıl bölınedı. Bügınde öŋırde 11 dene şynyqtyru-sauyqtyru keşenı jūmys ısteidı. Būl keşen on ekınşı boldy. Sızderdı dene şynyqtyru-sauyqtyru keşenınıŋ aşyluymen qūttyqtaimyz, - dedı ol.

Su jaŋa ǧimarat ışınde boks, küres, futbol, jattyǧu zaldary men stadion bar. Sondai-aq, medisinalyq jäne massaj kabinetı, äkımşılık üi-jailary, garderoby bar bufet jäne vestibiul ornalasqan. Komandalyq oiyndar zaly voleibol, basketbol, gandbol, mini-futbol, badminton, tenniske arnalǧan.Sport keşenınde körermen tribunasy 180 orynǧa eseptelgen.

- Būl sport keşenınde tek balalar men jasöspırımder ǧana emes, memlekettık qyzmetkerlerden bastap zeinetkerlerge deiıngı barlyq auyl tūrǧyndary da ainalysa alady. Osy aimaqtan köptegen sportşylar şyqty. Mysaly, erkın küresten Ruslan Jūmabekov, Ardaq Nazarov, Beibıt Nazarov, Jasūlan Qydyrbaev ta Raiymbek audanynyŋ tumalary. Osyndai zamanaui sport keşenınen älemdık jarystarda Olimpiada şyŋdaryn baǧyndyratyn sportşylar şyǧady dep ümıttenemız, - dep qorytyndylady Almaty oblysy dene şynyqtyru jäne sport basqarmasynyŋ basşysy Nūrbaqyt Teŋızbaev.