قازاقستاندىقتاردىڭ زەينەتاقى جيناقتارى 2022 جىلعى ناۋرىزدا اقپانمەن سالىستىرعاندا 4,5%-عا ازايدى، دەپ حابارلايدى "ادىرنا" ۇلتتىق پورتالى. بۇل تۋرالى قر ۇلتتىق بانكى مالىمدەدى.
«2022 جىلدىڭ 1 ساۋىرىندەگى جاعداي بويىنشا سالىمشىلاردىڭ زەينەتاقى جيناقتارى 13 ترلندى قۇرادى جانە 2022 جىلعى ناۋرىزدا 606 ملرد تەڭگەگە نەمەسە 4,5%-عا ازايدى»، - دەلىنگەن رەتتەۋشى دۇيسەنبىدە جاريالاعان ەسەبىندە.
اقپاراتقا سايكەس، 2022 جىلدىڭ ناۋرىز ايىنداعى زەينەتاقى تولەمدەرى 887 ملرد تەڭگەنى قۇرادى.
مىندەتتى زەينەتاقى جارنالارى بويىنشا سالىمشىلاردىڭ زەينەتاقى شوتتارىنىڭ سانى (جيناقتارى جوقتاردى قوسپاعاندا) 2022 جىلعى 1 ساۋىردەگى جاعداي بويىنشا 10 861 599 بولدى.
«ناۋرىزدا ينۆەستيتسيالىق كىرىس 305 ملرد تەڭگەنى قۇرادى»، - دەلىنگەن اقپاراتتا.
"ادىرنا" ۇلتتىق پورتالى
ۇقساس جاڭالىقتار
