الماتىداعى جامبىل اتىنداعى جاسوسپىرىمدەر كىتاپحاناسىندا جازۋشى ماقسات مالىكتىڭ «اعاش ادام» اتتى كىتابىنىڭ تانىستىرىلىمى ءوتتى. جاڭا كىتاپقا جازۋشىنىڭ بۇعان دەيىن ەش جەردە جاريالانباعان «قۇدىق باسىنداعى ەكەۋ»، «ەسكى ۇيگە اپاراتىن جول»، «زۇلىمدىق پورترەتى»، «بارسيك» جانە باسقا دا قىزىقتى اڭگىمەلەرى ەنگەن.
ماقسات مالىك - جاڭا عاسىر باسىندا بىزبەن بىرگە ادەبيەتتىڭ كيەلى تابالدىرىعىنان سەنىمدى اتتاعان دارىندى جازۋشى. از جازسا دا ساز جازاتىن، ميستيكا مەن پسيحولوگيزمدەردى قاتار ورە الاتىن، ءارىپ ارقىلى ەمەس، سويلەمدەر اراسىندا جاسىرۋلى الۋان ءتۇرلى ويلار مەن تۇسپالداردى تۇيسىگىڭە جەتكىزە بىلەتىن، زاماناۋي پروزانىڭ قىر-سىرىن جەتىك مەڭگەرگەن تالعامپاز قالامگەر. ماقساتتىڭ شىعارماشىلىعى كوپ وقىرمانعا تانىس بولماعان شىعار، بىراق تاپتاۋرىن ەمەس، وزگە پروزانى ىزدەۋشى، ەرەكشە ءستيلدى جاقسى كورەتىن ادامعا تاپتىرمايتىن قازىنا،- دەيدى قازاقستان جازۋشىلار وداعى توراعاسىنىڭ ءبىرىنشى ورىنباسارى، اقىن اقبەرەن ەلگەزەك.
.jpg)
«اعاش ادام» كىتابى الماتى قالاسى اكىمدىگىنىڭ قولداۋىمەن 2021 جىلدىڭ جەلتوقسانىندا باسىلىپ شىققان.
بۇل كىتاپ ميستيكيالىق، فەنتەزي جانرى نەگىزىندە جازىلدى. اڭگىمەلەر جيناعىنان تۋراتىن كىتاپ جالپى وقىرمانعا ارنالعان. اكىمدىكتىڭ قولداۋىمەن شىققان كىتاپ قالاداعى بارلىق كىتاپحانالارعا تاراتىلادى، - دەيدى جازۋشى م. مالىك.
جاڭا تۋىندى «Abai» باسپاسىنان 1000 دانامەن باسىلىپ شىققان.
ايتا كەتسەك، جازۋشى ماقسات مالىكتىڭ بۇعان دەيىن «جۇمباق كىتاپ» اتتى شىعارمالار جيناعى جارىق كورگەن بولاتىن.
