Almatydaǵy Jambyl atyndaǵy jasóspirimder kitaphanasynda jazýshy Maqsat Máliktiń «Aǵash adam» atty kitabynyń tanystyrylymy ótti. Jańa kitapqa jazýshynyń buǵan deıin esh jerde jarııalanbaǵan «Qudyq basyndaǵy ekeý», «Eski úıge aparatyn jol», «Zulymdyq portreti», «Barsık» jáne basqa da qyzyqty áńgimeleri engen.
Maqsat Málik - jańa ǵasyr basynda bizben birge ádebıettiń kıeli tabaldyryǵynan senimdi attaǵan daryndy jazýshy. Az jazsa da saz jazatyn, mıstıka men psıhologızmderdi qatar óre alatyn, árip arqyly emes, sóılemder arasynda jasyrýly alýan túrli oılar men tuspaldardy túısigińe jetkize biletin, zamanaýı prozanyń qyr-syryn jetik meńgergen talǵampaz qalamger. Maqsattyń shyǵarmashylyǵy kóp oqyrmanǵa tanys bolmaǵan shyǵar, biraq taptaýryn emes, ózge prozany izdeýshi, erekshe stıldi jaqsy kóretin adamǵa taptyrmaıtyn qazyna,- deıdi Qazaqstan Jazýshylar odaǵy tóraǵasynyń birinshi orynbasary, aqyn Aqberen Elgezek.
.jpg)
«Aǵash adam» kitaby Almaty qalasy ákimdiginiń qoldaýymen 2021 jyldyń jeltoqsanynda basylyp shyqqan.
Bul kitap mıstıkıalyq, fentezı janry negizinde jazyldy. Áńgimeler jınaǵynan týratyn kitap jalpy oqyrmanǵa arnalǵan. Ákimdiktiń qoldaýymen shyqqan kitap qaladaǵy barlyq kitaphanalarǵa taratylady, - deıdi jazýshy M. Málik.
Jańa týyndy «Abai» baspasynan 1000 danamen basylyp shyqqan.
Aıta ketsek, jazýshy Maqsat Máliktiń buǵan deıin «Jumbaq kitap» atty shyǵarmalar jınaǵy jaryq kórgen bolatyn.
