قازاقتىڭ ءبارى وسىنداي دەۋدەن اۋلاقپىن. دەگەنمەن پىكىر ءبىلدىرۋ مادەنيەتىنەن جۇردايلارى دا از ەمەس. "دۇنيە ءجۇزى قازاق قانداستارى" اتتى توپ پاراقشاسىندا بولاتحان ءامىرۇلى
26 مايا ۆ 18:51 مىناداي پىكىر ءبىلدىرىپتى: "مولدالار! ءدىندى ءبىلىم دەپ شاتاسپاڭىزدار! ول - ارابتاردىڭ ءداستۇرى مەن تاجىربيەلەرى. ارابتىڭ ءداستۇرى قازاقتىڭ ومىرىنە سايكەس كەلمەيدى!" دەپ پىكىر ءبىلدىرىپتى.
بولاتحاننىڭ جازعانىنا قايتارىلعان پىكىرلەردى وقىپ وتىرىپ تاڭ قالدىم. وزدەرىڭىز وقىپ كورىڭىزدەرشى:
"Gaziz Askhat ەببايت...سونى ءبىزدىڭ اتا-بابالارىمىز بىلمەيد...سەن ءبىلىپ قالدىڭ.. يو مويو";
"Nurjan Balg'abek بولات سەن تاماقتان الدىن قولىڭدى جۋاسىڭ با؟ ءدىن قاجەت بولماسا ونى ىستەمەي-اق قوي! ويتكەنى تاماقتان الدىڭ قول جۋدى يسلامنان باسقا ءدىن ۇيرەتپەگەن!";
"Sabak Shari قۇران بۋكىل عىلىمداردىڭ اتاسى ەسەكباس اۆتور"
سوندا مىنا جىگىتتەر پىكىر الماسۋ مەن پىكىر ءبىلدىرۋ مادەنيەتى بارىن بىلمەگەنى مە؟ بىلاپىت ءسوز ايتۋ ءدىندار ادام تۇگىلى ەشكىمگە جاراسپايدى. جانە تاماق ىشەر الدىندا قول جۋدى يسلام ۇيرەتكەن دەگەن نە ءسوز؟ قازاق يسلامعا دەيىن قولىن جۋماي تاماق ىشكەن بە؟ بىرەۋگە "ەسەكباس" دەپ پىكىر جاسزاتىن ادامنىڭ باسى قاندا ەكەن وسى؟
وسى ورايدا ايتارىم:
ويلانىڭدار قازاقتار; ويلانىڭدار!
پىكىر انىق، تۇسىنىكتى بولۋى كەرەك. ايتاتىن ويىڭدى تۇسىنىكتى، جۇيەلى ەتىپ ءبىلدىرۋ پىكىر الماسۋدىڭ باستى ەرەجەسى. ءبىر نارسەنى قورعايمىن دەپ بىلاپىت ءسوز جازۋ، باسقالاردى كەمسىتۋ ەمەس ءوزىڭدى ماسقارالاۋ!! ودان دا دۇرىس سويلەۋدى ۇيرەنىڭدەر.
ارينە، پىكىر بىلدىرۋشىلەردىڭ جاسى قانشادا ەكەنىن بىلمەيمىن. بىراق ناقتى پىكىر ءبىلدىرۋدىڭ ورنىنا تيسە تەرەككە، تيمەسە بۇتاققا دەگەندەي جازىلعان سوزدەردى وقىپ وتىرىپ كوڭىلىم قالىپ جاتاتىن كەز از بولمايدى.
ويلاناتىن جاعداي. ءوز ويىن دۇرىس جەتكىزە المايتىن ادام نەنى بولسا دا تۇسىنبەك تۇگىلى ءوزىن دۇرىس الىپ جۇرە الماسى شىندىق.
ءبىر ءبىرىنىڭ سوزىنە وسىنداي جاۋاپ جازاتىندار قازاقتى قالاي كوركەيتەدى؟!
بەردالى وسپان،
"ادىرنا" ۇلتتىق پورتالى
