Qazaqtyŋ bärı osyndai deuden aulaqpyn. Degenmen pıkır bıldıru mädenietınen jūrdailary da az emes. "Dünie jüzı qazaq qandastary" atty top paraqşasynda Bolathan Ämırūly
26 maia v 18:51 mynadai pıkır bıldırıptı: "Moldalar! Dındı bılım dep şataspaŋyzdar! Ol - arabtardyŋ dästürı men täjırbielerı. Arabtyŋ dästürı qazaqtyŋ ömırıne säikes kelmeidı!" dep pıkır bıldırıptı.
Bolathannyŋ jazǧanyna qaitarylǧan pıkırlerdı oqyp otyryp taŋ qaldym. Özderıŋız oqyp körıŋızderşı:
"Gaziz Askhat Ebbait...sony bızdıŋ ata-babalarymyz bılmeid...sen bılıp qaldyŋ.. io moio";
"Nurjan Balg'abek Bolat sen tamaqtan aldyn qolyŋdy juasyŋ ba? Dın qajet bolmasa ony ıstemei-aq qoi! Öitkenı tamaqtan aldyŋ qol juudy İslamnan basqa dın üiretpegen!";
"Sabak Shari Qūran bukıl ǧylymdardyŋ atasy esekbas avtor"
Sonda myna jıgıtter pıkır almasu men pıkır bıldıru mädenietı baryn bılmegenı me? Bylapyt söz aitu dındar adam tügılı eşkımge jaraspaidy. Jäne tamaq ışer aldynda qol juudy islam üiretken degen ne söz? Qazaq islamǧa deiın qolyn jumai tamaq ışken be? Bıreuge "Esekbas" dep pıkır jaszatyn adamnyŋ basy qanda eken osy?
Osy oraida aitarym:
OILANYŊDAR QAZAQTAR; OILANYŊDAR!
Pıkır anyq, tüsınıktı boluy kerek. Aitatyn oiyŋdy tüsınıktı, jüielı etıp bıldıru pıkır almasudyŋ basty erejesı. Bır närsenı qorǧaimyn dep bylapyt söz jazu, basqalardy kemsıtu emes özıŋdı masqaralau!! Odan da dūrys söileudı üirenıŋder.
Ärine, pıkır bıldıruşılerdıŋ jasy qanşada ekenın bılmeimın. Bıraq naqty pıkır bıldırudıŋ ornyna tise terekke, timese būtaqqa degendei jazylǧan sözderdı oqyp otyryp köŋılım qalyp jatatyn kez az bolmaidy.
Oilanatyn jaǧdai. Öz oiyn dūrys jetkıze almaityn adam nenı bolsa da tüsınbek tügılı özın dūrys alyp jüre almasy şyndyq.
Bır bırınıŋ sözıne osyndai jauap jazatyndar Qazaqty qalai körkeitedı?!
Berdaly OSPAN,
"ADYRNA" ūlttyq portaly
