بۇگىننەن باستاپ قازاقستاندىقتار قالاارالىق جانە حالىقارالىق ساپارعا ەلەكتروندى اۆتوبۋس بيلەتىن ساتىپ الۋ مۇمكىندىگىنە يە بولادى. Halyk Bank-Halyk Travel ەكوجۇيەسى شەڭبەرىندە Halyk Homebank قوسىمشاسىندا رەيستىك اۆتوبۋستارعا ونلاين-بيلەتتى ساتىپ الۋعا مۇمكىندىك بەرەتىن "اۆتوبۋستار" جاڭا سەرۆيسى ىسكە قوسىلدى.
ءبىزدىڭ ازاماتتارىمىزدىڭ كوپشىلىگى قازاقستان بويىنشا اۆتوبۋسپەن ساپارعا شىعۋدى تاڭدايدى، ويتكەنى بۇل باسقا قالاعا بارۋدىڭ ءتيىمدى نۇسقاسى. سونداي-اق، اۆتوبۋس، قوعامدىق كولىكتىڭ باسقا تۇرىنەن ايىرماشىلىعى، الدەقايداجيى قاتىنايدى، سوندىقتان ءار جولاۋشى جول ءجۇرۋدىڭ ىڭعايلى ۋاقىتىن تاڭداي الادى. Halyk Travel-دەگى جاڭا "اۆتوبۋستار" سەرۆيسى بيلەتتى برونداۋ جانە ساتىپ الۋ كەزىندە ۋاقىتتى ۇنەمدەۋگە مۇمكىندىك بەرەدى. اتاپ وتەيىك اتاۋلى قىزمەت ارقىلى الاتىن بيلەت قۇنى اۆتوۆوكزال كاسسالارىنداعى باعامەن بىردەي – جاسىرىن ۇستەمە باعا، كوميسسيا جانە قوسىمشا الىمدار جوق. بۇل Halyk Bank پەن يندۋستريا جانە ينفراقۇرىلىمدىق دامۋ مينيسترلىگىنىڭ (يدم) ىنتىماقتاستىعى ارقاسىندا قولجەتىمدى بولدى.
جولاۋشىلارعا ىڭعايلى بولۋدان بولەك، Halyk Travel-دەگى "اۆتوبۋستار" قىزمەتىن ەنگىزۋ باستاماسى الەۋمەتتىك قۇرامداس بولىكتى قامتيدى. سەبەبى بيلەتتەر جوسىقسىز ساتۋشىلاردان ساتىپ العان كەزدە نەمەسە تۇراقتى اۆتوبۋستاردىڭ جۇرگىزۋشىلەرى جولاۋشىلاردى "كاسسادان تىس جەردە" وتىرعىزعان كەزدەگى "جاسىرىن" ساپارلاردىڭ سانىن ازايتۋعا كومەكتەسەدى. Halyk Homebank قوسىمشاسى ارقىلى بيلەتتى ونلاين ساتىپ الا وتىرىپ، ادام كەپىلدى جانە ىڭعايلى ورىنعا عانا ەمەس، سونىمەن قاتار تاسىمالداۋ زاڭدىلىعىنا دا سەنىمدى بولا الادى. ماسەلە مىنادا، Halyk Travel "اۆتوبۋستار" سەرۆيسىنىڭ تاسىمالداۋشى - قاتىسۋشىلارى تسيفرلىق ساتۋ ارنالارى ارقىلى اشىق جانە ايقىن جۇمىس ىستەۋگە دايىن. وسىلايشا، Halyk Homebank قوسىمشاسى ارقىلى بيلەتتى ونلاين ساتىپ العان جولاۋشىلارعا سەنىمدى ساپارعا كەپىلدىك بەرىلەدى. سونىمەن قاتار، سەرۆيس ازىرلەۋشىلەر الداعى ۋاقىتتا جولاۋشىلارعا وزدەرىن جانە جۇكتى جازاتايىم وقيعادان ساقتاندىرۋ مۇمكىندىگىن ۇسىنۋدى جوسپارلاۋدا.
"Halyk Travel كومانداسى 2020 جىلى قۇرىلعاننان بەرى قالاارالىق اۆتوبۋستارعا بيلەت ساتۋ بويىنشا ونلاين جوبانى ىسكە قوسۋ يدەياسىن تالقىلادى. ول ينتەرمودالدىق تاسىمالداۋدى ىسكە قوسۋ يدەياسىنا نەگىزدەلگەن، ياعني ءبىر مارشرۋتتىق تۇبىرتەكتە كولىكتىڭ بىرنەشە ءتۇرىن: ۇشاق+پويىز+اۆتوبۋستى كورسەتۋ مۇمكىندىگى. ەل تۇرعىندارى كولىكتىڭ بارلىق تۇرلەرىن پايدالانادى، وسى ۋاقىتقا دەيىن پويىز بەن ۇشاققا ونلاين-بيلەتتى ساتىپ الۋ مۇمكىن بولعانىمەن اۆتوبۋسقا ەلەكتروندى بيلەتتى ساتىپ الۋ قىزمەتى قولجەتىمسىز ەدى. ءدال وسى باعىتتا جۇمىس ىستەگەن كوماندالارمەن سويلەسە كەلە نەگىزگى قيىندىق - بۇل سالادا اۋە جانە تەمىرجول تاسىمالىنان ايىرماشىلىعى، بىرىڭعاي برونداۋ جۇيەسى جوق ەكەنىن انىقتادىق. ءبىز يدەيامىزبەن يدم-گە جۇگىندىك، ولار بىزگە جەدەل الاڭ ۇيىمداستىرىپ، تەحنيكالىق جاعىنان بارىنشا دايىن ءبىرىنشى ۆوكزالدى ۇسىندى. بۇل ماسەلەنى شەشۋ ءۇشىن بىزگە ەكى ايعا جۋىق ۋاقىت قاجەت بولدى، ەندى ءبىز اۆتوبۋستاردا بىرىڭعاي تاراتۋ جۇيەسىن تەحنيكالىق ىسكە اسىرۋدى اياقتاپ قالدىق. قازىرگى ۋاقىتتا يدم-مەن ىنتىماقتاستىقتا ءبىز وسى جوبا بويىنشا جۇمىستى جالعاستىرۋدامىز" - دەدى Halyk Bank باسقارما توراعاسىنىڭ ورىنباسارى ناريمان مۋكۋشەۆ.
قازىرگى ۋاقىتتا ونلاين-بيلەتتى ساتىپ الۋ سەرۆيسى كەلەسى باعىتتار ءۇشىن جۇمىس ىستەيدى: نۇر-سۇلتاننان دەرجاۆينسك، كونستانتينوۆكا، ناۋموۆكا، ستەپنوگورسك، قىزىلوردا، تاراز، قاراعاندى، الماتى، شىمكەنت، وسكەمەن، ءتىپتى ولگەي (موڭعوليا) جانە تاشكەنتكە (وزبەكستان) بيلەت الۋعا بولادى.
Halyk Travel-ءدىڭ Bus ازىرلەۋشىلەرىنىڭ الداعى جوسپارىندا ەلىمىزدىڭ بارلىق وڭىرلەرىن قامتۋ جانە قازاقستاندىقتارعا Halyk Homebank ارقىلى وزدەرىنە ىڭعايلى رەيستى، كۇندى جانە ۋاقىتتى تاڭداپ، بۇكىل رەسپۋبليكا بويىنشا ءجۇرۋ مۇمكىندىگىن قامتاماسىز ەتۋ كوزدەلگەن. جىل باسىندا وسى ءموبيلدى قوسىمشانى پايدالانۋشىلار سانى 8 ملن ادامعا دەيىن وسكەنىن ەسكەرە وتىرىپ، كوپتەگەن ادام Halyk Bank-ءتىڭ تاعى ءبىر ىڭعايلى تسيفرلى سەرۆيسىن باعالايدى دەپ بولجاۋعا بولادى.
