باتىستىڭ رەسەي فەدەراتسياسىنا سالعان سانكتسيالارىنا بايلانىستى قىرعىزستان مەن تۇركىمەنستاندا دا رەسەيلىك ۆگترك حولدينگى مەن “زۆەزدا” تەلەارنالارىنىڭ حابار تاراتۋىنا تىيىم سالىندى، دەپ حابارلايدى “ادىرنا” ۇلتتىق پورتالى.
تۇركىمەنستان ەلدەگى ءىرى ليتسەنزيالانعان بايلانىس وپەراتورى «اشحاباد قالالىق تەلەفون جەلىسى» جاق تاراتقان رەسەيلىك «روسسيا-1» جانە «زۆەزدا» تەلەارنالارىنىڭ حابار تاراتۋىن توقتاتتى. وپەراتور جاقىن ارادا رەزەرۆتىك ترانسلياتسيانى ۇيىمداستىرۋعا ۋادە بەردى.
بۇعان دەيىن جۇما كۇنى كەيبىر رەسەيلىك تەلەارنالار قىرعىزستاندا دا ۋاقىتشا جابىلعانى بەلگىلى بولدى. وندا «روسسيا-24»، «روسسيا كۋلتۋرا» جانە «زۆەزدا» ارنالارىنىڭ حابار تاراتۋى توقتاتىلعان.
«بىرقاتار ەلدەردە جالپىرەسەيلىك تەلەارنالاردى تاراتۋعا زاڭنامالىق شەكتەۋلەردىڭ قابىلدانۋىنا بايلانىستى ۆگترك تەلەارنالارىنىڭ ترانسلياتسياسى حالىقارالىق سپۋتنيكتەردە بىرجاقتى تۇردە بۇعاتتالدى»، - دەپ حابارلادى قىرعىزستاننىڭ «اكنەت» تەلەكوممۋنيكاتسيالىق كومپانياسى ءوز سايتىندا.
قازىرگى ۋاقىتتا تۇراقتى سيگنال ءۇشىن رەزەرۆتىك حابار تاراتۋدى ۇيىمداستىرۋ جۇمىستارى جۇرگىزىلىپ جاتقانى اتاپ ءوتىلدى.
«تەلەارنا وپەراتورى جاعىنداعى جۇمىستار اياقتالا سالىسىمەن، حاباردى كورۋگە بولادى»، - دەدى اكنەت.
سونىمەن قاتار، ءبىرىنشى ارنا، RenTV, NTV, STS, TNT, Che, Match جانە باسقا دا بىرقاتار رەسەيلىك تەلەارنالاردى كورسەتۋ جالعاسۋدا.
”ادىرنا” ۇلتتىق پورتالى
