امبۋلاتوريالىق قامتاماسىز ەتۋ اياسىندا 2,5 ملن-عا جۋىق قازاقستاندىق تەگىن ءدارى-دارمەك الادى. بۇل تۋرالى دسم ءباسپاسوز قىزمەتى مالىمدەدى، دەپ حابارلايدى “ادىرنا” ۇلتتىق پورتالى.
«2022 جىلعى قاڭتاردان باستاپ ازاماتتاردىڭ ۇسىنىستارىن ەسكەرە وتىرىپ، مينيسترلىك دارىلىك زاتتاردى، مەديتسينالىق بۇيىمداردى ساتىپ الۋدى ۇيىمداستىرۋعا جانە وتكىزۋگە، تەگىن امبۋلاتوريالىق ەمدەۋ ءۇشىن دارىلىك زاتتاردىڭ تىزبەسىن كەڭەيتۋگە، ونىڭ ىشىندە ورفاندىق اۋرۋلارى بار پاتسيەنتتەردى دارىمەن قامتاماسىز ەتۋگە قاتىستى بىرقاتار نورماتيۆتىك-قۇقىقتىق اكتىلەرگە وزگەرىستەر ەنگىزۋ جونىندەگى ءىس-شارالارعا باستاماشىلىق جاسادى. ورفاندىق اۋرۋلار مەن ولاردى ەمدەۋگە ارنالعان دارىلىك زاتتار تىزبەسىنە اۋرۋلاردىڭ 10-نان استام جاڭا ءتۇرى جانە 22 دارىلىك پرەپارات ەنگىزىلگەن»، – دەلىنگەن حابارلامادا.
ەسكە سالا كەتسەك، امبۋلاتوريالىق قامتاماسىز ەتۋ اياسىندا شامامەن 2,5 ملن قازاقستاندىق تەگىن ءدارى-دارمەك الادى.
”ادىرنا” ۇلتتىق پورتالى
