بەلگىلى جۋرناليستكە قولداۋ قاجەت

5200
Adyrna.kz Telegram

ءومىر - سان سىناققا تولى. ال ونى سابىرلىقپەن جانە قايسارلىقپەن جەڭە الاتىندار دا، جەڭىلىپ قالاتىندار دا بار. الايدا، جەكە ادامعا تۇسكەن اۋىر سىناقتى جۇرت بولىپ جۇمىلا كوتەرۋگە تۋرا كەلەتىن جاعدايلار دا بار. ماسەلەن، تانىمال جۋرناليست، جىلقى مادەنيەتىن زەرتتەۋشى باعدات مۇحتارۇلىنىڭ باسىنا تۇسكەن اۋىرتپالىقتى كوپشىلىكتىڭ قولداۋى مەن كومەگىنسىز جەڭىلدەتۋ مۇمكىن ەمەس. ويتكەنى، ونىڭ قوس بۇيرەگىن شەتەلدىڭ (بەلارۋستىڭ) دامىعان ءارى قولجەتىمدى اۋرۋحاناسىندا اۋىستىرۋ ءۇشىن 30 ميلليون تەڭگەدەي قاراجات قاجەت بولىپ تۇر.


الاشقا ادال ءارى جانكەشتى قىزمەتىمەن بەلگىلى ازاماتتىڭ جاعدايىن ەستىگەن جۇرت شاما-شارقىنشا كومەكتەسە كەتتى. ناتيجەسىندە قاجەت قارجىنىڭ 90%-ى جينالدى. ەندى قالعانى 3 ميلليون تەڭگە. ەرىم دەپ ەمىرەنگەن ەلى باردا ونىڭ دا جينالارى ءسوزسىز. قازىر باعداتتىڭ ءاناليزى مينسكىگە جولدانىپ، سوڭعى تەكسەرۋ-باقىلاۋ ساتىسىندا تۇر. ودان وتە سالا بەلسەندى بۇيرەك ىزدەۋ كەزەگىنە قويىلادى. ونداعىلار كوپ كۇتتىرمەي ءدال كەلەتىن بۇيرەكتىڭ تابىلاتىنىن ايتىپ سەنىم ۇيالاتتى. تابىلا قالعاندا كەلىسىم شارتتا كورسەتىلگەن اقشانى (30 ميلليوندى) الىپ، ءبىر اپتا ىشىندە مينسكىگە جەتۋى كەرەك. ونداي جارقىن ءساتتىڭ جاقىنداپ قالعانى انىق. ال ءبىز ەلدىگىمىزدى تاعى دا ءبىر مارتە كورسەتىپ، ەمگە قاجەت قالعان اقشانى (3 ميلليوندى) دايىنداي بەرسەك نۇر ۇستىنە نۇر بولار ەدى. اللا ساۋاپتارىڭىزدى ەسەلەسىن!

جارقىن سالەنۇلى

پىكىرلەر