فوتو: primeminister.kz
قازاقستاندا ازىرلەنگەن QazVac كوروناۆيرۋسىنا قارسى ۆاكتسينا دۇنيەجۇزىلىك دەنساۋلىق ساقتاۋ ۇيىمىنىڭ (ددۇ) تىركەۋىنەن وتپەدى. ول ونىڭ ازىرلەنۋى مەن ارنايى زاۋىت سالۋعا قوماقتى قارجى جۇمسالعانىنا قاراماستان ورىن العان. بۇل تۋرالى Hola News جازدى، دەپ حابارلايدى “ادىرنا”.
باسىلىمنىڭ جازۋىنشا، دەنساۋلىق ساقتاۋ ءمينيسترى اقمارال ءالنازاروۆا ەندى QazVac ۆاكتسيناسىن حالىقارالىق دەڭگەيدە تىركەۋدىڭ ورىنسىز ەكەنىن مالىمدەگەن.
پاندەميا كەزىندە ۆاكتسينانى 300 مىڭنان استام قازاقستاندىق قابىلداعان. پرەپاراتتى بيولوگيالىق قاۋىپسىزدىك پروبلەمالارى عىلىمي-زەرتتەۋ ينستيتۋتىنىڭ ماماندارى ازىرلەدى. ونى جاساۋعا 2 ميلليارد تەڭگەدەن استام قاراجات بولىنسە، جامبىل وبلىسىندا زاۋىت سالۋعا شامامەن 7 ميلليارد تەڭگە جۇمسالعان.
جاريالانعان زەرتتەۋ ناتيجەلەرىنە سايكەس، ۆاكتسينانىڭ تيىمدىلىگى 82 پايىز بولعان. الايدا پرەپارات حالىقارالىق تىركەۋدەن وتە المادى. 2023–2024 جىلدارى ددۇ ۆاكتسينانى تىركەۋ ءۇشىن قوسىمشا تالاپتار قويعان.
قازاقستان دارىلىك زاتتاردى رەتتەۋ جۇيەسىنىڭ جەتىلۋ دەڭگەيى بويىنشا ددۇ-نىڭ ءۇشىنشى دەڭگەيىنە تەك 2026 جىلدىڭ ساۋىرىندە قول جەتكىزدى.
Hola News مالىمەتىنشە، دەنساۋلىق ساقتاۋ ءمينيسترى قازىرگى جاعدايدا QazVac ۆاكتسيناسىن تىركەۋ ءتيىمسىز ەكەنىن ايتقان.
ونىڭ ورنىنا قازاقستان ددۇ جۇيەسىندەگى ەڭ جوعارى، ءتورتىنشى جەتىلۋ دەڭگەيىنە قول جەتكىزۋ ءۇشىن زەرتحانالىق كەشەن سالۋدى جوسپارلاپ وتىر. قۇرىلىس جۇمىستارىن 2027 جىلى باستاۋ كوزدەلگەن.
