Belgili jýrnalıstke qoldaý qajet

5202
Adyrna.kz Telegram

Ómir - san synaqqa toly. Al ony sabyrlyqpen jáne qaısarlyqpen jeńe alatyndar da, jeńilip qalatyndar da bar. Alaıda, jeke adamǵa túsken aýyr synaqty jurt bolyp jumyla kóterýge týra keletin jaǵdaılar da bar. Máselen, tanymal jýrnalıst, jylqy mádenıetin zertteýshi Baǵdat Muhtarulynyń basyna túsken aýyrtpalyqty kópshiliktiń qoldaýy men kómeginsiz jeńildetý múmkin emes. Óıtkeni, onyń qos búıregin sheteldiń (Belarýstyń) damyǵan ári qoljetimdi aýrýhanasynda aýystyrý úshin 30 mıllıon teńgedeı qarajat qajet bolyp tur.


Alashqa adal ári jankeshti qyzmetimen belgili azamattyń jaǵdaıyn estigen jurt shama-sharqynsha kómektese ketti. Nátıjesinde qajet qarjynyń 90%-y jınaldy. Endi qalǵany 3 mıllıon teńge. Erim dep emirengen eli barda onyń da jınalary sózsiz. Qazir Baǵdattyń analızi Mınskige joldanyp, sońǵy tekserý-baqylaý satysynda tur. Odan óte sala belsendi búırek izdeý kezegine qoıylady. Ondaǵylar kóp kúttirmeı dál keletin búırektiń tabylatynyn aıtyp senim uıalatty. Tabyla qalǵanda kelisim shartta kórsetilgen aqshany (30 mıllıondy) alyp, bir apta ishinde Mınskige jetýi kerek. Ondaı jarqyn sáttiń jaqyndap qalǵany anyq. Al biz eldigimizdi taǵy da bir márte kórsetip, emge qajet qalǵan aqshany (3 mıllıondy) daıyndaı bersek nur ústine nur bolar edi. Alla saýaptaryńyzdy eselesin!

Jarqyn SÁLENULY

Pikirler