بۇگىن قاسىم-جومارت كەمەلۇلى توقاەۆ 5 ماۋسىمدا وتەتىن رەفەرەندۋمعا قاتىستى قازاقستاندىقتارعا بەينەۇندەۋ جولداۋدا، دەپ حابارلايدى “ادىرنا” ۇلتتىق پورتالى.
“بۇرىن-سوڭدى بولماعان گەوستراتەگيالىق بەلگىسىزدىك پەن ەلىمىزدىڭ الدىندا تۇرعان كۇردەلى مىندەتتەردى شەشۋ قاجەتتىلىگى جاعدايىندا ءبىز بىرلىگىمىز بەن ىنتىماعىمىزبەن بەرىك بولۋىمىز كەرەك. شىنايى دەموكراتيا ءاربىر ازاماتتىڭ ورتاق ىسكە بەلسەندى جانە سىندارلى قاتىسۋىن بولجايدى. جاڭا تۇزەتۋلەرگە داۋىس بەرە وتىرىپ، ءسىز سىبايلاس جەمقورلىققا، نەپوتيزمگە، ساياسات پەن ەكونوميكاداعى مونوپولياعا ءۇزىلدى-كەسىلدى «جوق» دەيسىز.
مەن سىزدەردى، قۇرمەتتى جەرلەستەر، قازاقستاننىڭ دامۋ ۆەكتورىن ايقىندايتىن تاريحي تاڭداۋىڭىزدى جاساۋعا شاقىرامىن. سىزدەردىڭ ارقايسىسىڭىز ءبىرتۇتاس قازاقستان حالقىنىڭ اجىراماس بولىگىسىزدەر جانە بۇكىل حالىقتىڭ بولاشاعىنا، دەمەك، ءوز تاعدىرلارىڭىزعا اسەر ەتە الاسىزدار. وتاننىڭ تاعدىرى سىزدەرگە بايلانىستى»، - دەدى توقاەۆ.
”ادىرنا” ۇلتتىق پورتالى
