تالدىقورعان قالالىق سوتىنىڭ ۇكىمىمەن الماتى وبلىسىنىڭ كاسىپكەرلىك جانە يندۋستريالدى-يننوۆاتسيالىق دامۋ باسقارماسىنىڭ باسشىسى تامەرلان رازبەكوۆ پەن «اسپمك-519» جشس باسشىلىعى سىبايلاس جەمقورلىق قىلمىسى ءۇشىن كىنالى دەپ تانىلدى. بۇل تۋرالى سىبايلاس جەمقورلىققا قارسى ءىس-قيمىل اگەنتتىگى جاريالادى، دەپ حابارلايدى “ادىرنا” ۇلتتىق پورتالى.
تەرگەۋ مالىمەتتەرى بويىنشا، باسقارما باسشىسى 2021 جىلى جشس تەحنيكالىق ديرەكتورى جانە باس ديرەكتورىنان 96 ميلليون تەڭگەگە ورىندالعان جۇمىستار اكتىسىنە قول قويۋعا ىقپال ەتكەنى ءۇشىن جالپى سوماسى 33 500 اقش دوللارى كولەمىندە پارا العان.
“جشس باسشىلىعى 3 جىلعا باس بوستاندىعىن شەكتەۋگە سوتتالدى. رازبەكوۆ 100,2 ميلليون تەڭگە مولشەرىندە ايىپپۇل سالىنا وتىرىپ، ءومىر بويىنا مەملەكەتتىك قىزمەتتە قىزمەت اتقارۋ قۇقىعىنان ايىرىلدى”، دەلىنگەن حابارلامادا.
”ادىرنا” ۇلتتىق پورتالى
