قىرعىزستاندا 20 جاسقا تولماعان قىزدارعا كۇيەۋسىز نەمەسە اتا-اناسىز ەلدەن شىعۋعا تىيىم سالۋ ۇسىنىلادى، دەپ حابارلايدى “ادىرنا” ۇلتتىق پورتالى.
قىرعىزستان پارلامەنتىنىڭ دەپۋتاتى شايلووبەك اتازوۆ 18-20 جاستاعى قىزداردىڭ شەتەلگە تەك اتا-اناسىنىڭ ەرىپ جۇرۋىمەن نەمەسە تۇرمىسقا شىققاننان كەيىن بارۋىن ۇسىندى.
«كوشى-قون پروبلەمالارى وتە وتكىر بولىپ تۇر. 18-20 جاستاعى قىزداردىڭ اتا-اناسىمەن شەتەلگە كەتۋىنە كوز جەتكىزۋىمىز كەرەك. تاعى ءبىر ۇسىنىس بار: قىزدار تۇرمىسقا شىققان سوڭ كەتسىن. كوشى-قونعا جاۋاپتى باسقارمالار بولسىن. ولار كوميتەتكە اقپارات بەرەدى»، - دەدى ول.
مۇنداي ۇسىنىس قىرعىزستان حالقىنىڭ نارازىلىعىن تۋدىردى. حالىق جاستاردىڭ كەتۋ ماسەلەسىن تىيىمدار مەن اقىماق زاڭدارمەن ەمەس، ءومىردى ناقتى جاقسارتۋمەن شەشۋدى تالاپ ەتتى.
“ادىرنا” ۇلتتىق پورتالى
ۇقساس جاڭالىقتار
