قازاقستاننىڭ گەرمانيا جانە ليۆانداعى جاڭا ەلشىلەرى تاعايىندالدى. بۇل تۋرالى اقوردانىڭ ءباسپاسوز قىزمەتى مالىمدەدى، دەپ حابارلايدى “ادىرنا” ۇلتتىق پورتالى.
مەملەكەت باسشىسىنىڭ جارلىعىمەن نۇرلان بايمولداۇلى ونجانوۆ قازاقستان رەسپۋبليكاسىنىڭ گەرمانيا فەدەراتيۆتىك رەسپۋبليكاسىنداعى توتەنشە جانە وكىلەتتى ەلشىسى بولىپ تاعايىندالدى، ول قازاقستان رەسپۋبليكاسى پرەزيدەنتى كەڭسەسىنىڭ باستىعى لاۋازىمىنان بوساتىلدى.
ال داۋرەن ايتبايۇلى كارىپوۆ قازاقستان رەسپۋبليكاسىنىڭ گەرمانيا فەدەراتيۆتىك رەسپۋبليكاسىنداعى توتەنشە جانە وكىلەتتى ەلشىسى لاۋازىمىنان بوساتىلدى.
پرەزيدەنتتىڭ جارلىعىمەن سونداي-اق راسۋل بەرەكەتۇلى جۇمالى قازاقستان رەسپۋبليكاسىنىڭ ليۆان رەسپۋبليكاسىنداعى توتەنشە جانە وكىلەتتى ەلشىسى لاۋازىمىنا تاعايىندالدى.
”ادىرنا” ۇلتتىق پورتالى
