دەنساۋلىق ساقتاۋ ءمينيسترىنىڭ بۇيرىعىمەن مارات شورانوۆ سانجار اسفەندياروۆ اتىنداعى قازۇمۋ رەكتورى قىزمەتىنە تاعايىندالدى، دەپ حابارلايدى “ادىرنا” ۇلتتىق پورتالى.
«دەنساۋلىق ساقتاۋ ءمينيسترىنىڭ بۇيرىعىمەن «س. ج. اسفەندياروۆ اتىنداعى قازاق ۇلتتىق مەديتسينا ۋنيۆەرسيتەتى» كەاق باسقارماسىنا جاڭا رەكتور تاعايىندالدى. قازۇمۋ-دى بۇدان بىلاي مارات ەدىگەۇلى شورانوۆ باسقارادى. بۇيرىق 2022 جىلدىڭ 13 ماۋسىمىندا جاريالاندى»، – دەلىنگەن حابارلامادا.
مارات شورانوۆ 1975 جىلى الماتى قالاسىندا دۇنيەگە كەلگەن.
قازاق مەملەكەتتىك مەديتسينا ۋنيۆەرسيتەتىن، ب.و. جاربوسىنوۆ اتىنداعى ۋرولوگيا عىلىمي ورتالىعىن، ەموري ۋنيۆەرسيتەتىن بىتىرگەن.
2013-2017 جىلدارى دەنساۋلىق ساقتاۋ مينيسترلىگىندە، دەنساۋلىق ساقتاۋ جانە الەۋمەتتىك دامۋ مينيسترلىگىندە باسشىلىق لاۋازىمداردا جۇمىس ىستەدى.
2017-2019 جىلدارى – شىعىس قازاقستان وبلىسىنىڭ دەنساۋلىق ساقتاۋ باسقارماسى باسشىسىنىڭ مىندەتىن اتقارۋشى، باسشىسى.
2019 جىلى – نۇر-سۇلتان قالاسىنىڭ قوعامدىق دەنساۋلىق ساقتاۋ باسقارماسىنىڭ باسشىسى.
2020 جىلعى ماۋسىمنان باستاپ وسى ۋاقىتقا دەيىن دەنساۋلىق ساقتاۋ ءبىرىنشى ۆيتسە-ءمينيسترى قىزمەتىن اتقاردى.
”ادىرنا” ۇلتتىق پورتالى
