ماسكەۋدىڭ يزمايلوۆسكي سوتى 2018 جىلى 13 ساۋىردە ۋنيۆەرسيتەت عيماراتىنىڭ تەرەزەسىنەن قۇلاپ كەتكەن قازاقستاندىق مگيمو ستۋدەنتى توميريس بايسافانى ولتىرگەن مۋرتۋزالي مەدجيدوۆقا ۇكىم شىعاردى، دەپ حابارلايدى "ادىرنا" ۇلتتىق پورتالى.
ءىستى قاراعان سوڭ داعىستاننان كەلگەن بۇرىنعى جوعارى لاۋازىمدى شەنەۋنىكتىڭ ۇلى مەدجيدوۆ 13 جىلعا قاتاڭ رەجيمدەگى كولونيادا جازاسىن وتەۋگە كەسىلدى. القابيلەر ءبىراۋىزدان ونى ءتوميريستىڭ ولىمىنە كىنالى دەپ تاپتى.
ەسكە سالايىق، مەدجيدوۆ 2020 جىلى قاماۋعا الىنعان، بىراق كەيىن نيكۋلينسكي القاسىنىڭ شەشىمىمەن كۇتپەگەن جەردەن اقتالعان بولاتىن. ول سوت زالىندا بوساتىلدى. التى القابيلەردىڭ بەسەۋى مەدجيدوۆتىڭ كىناسىزدىگى ءۇشىن داۋىس بەردى.
قايتىس بولعان قازاقستاندىق قىزدىڭ تۋىستارى اپپەلياتسيالىق شاعىم ءتۇسىردى. ماسكەۋ قالالىق سوتى العاشقى سوت وتىرىستارى ورەسكەل زاڭ بۇزۋشىلىقتارمەن وتكەنىن مويىنداپ، ءىستى قاراۋعا جىبەردى.
"ادىرنا" ۇلتتىق پورتالى
