رەسەي مەن قازاقستان اراسىنداعى قارىم-قاتىناس دوستىق كۇيىندە قالىپ وتىر، دەپ مالىمدەدى رف پرەزيدەنتىنىڭ ءباسپاسوز حاتشىسى دميتري پەسكوۆ. بۇل تۋرالى "ادىرنا" ءتىلشىسى جازادى.
«ەشقانداي شەشىمدەر (انتيرەسەيلىك سانكتسيالار بويىنشا) قابىلدانعان جوق، كەرىسىنشە، ءوزارا ءىس-قيمىلىمىزدى ودان ءارى كەڭەيتۋگە، شەتەلدەن كەلەتىن سىن-قاتەرلەرگە بىرلەسىپ جاۋاپ بەرۋگە جانە وسى جاعىمسىز ارەكەتتەردىڭ سالدارىن بارىنشا ازايتۋعا ءابسوليۋتتى نيەت جاريالاندى»، - دەدى كرەمل وكىلى جۋرناليستەرگە بەرگەن جاۋابىندا.
«روسسيسكايا گازەتانىڭ» حابارلاۋىنشا، «قازاقستان رەسەيگە دوس ەل بولىپ قالا ما؟» دەگەن سۇراققا پرەزيدەنتتىڭ ءباسپاسوز حاتشىسى: «ارينە، ارينە!» دەپ جاۋاپ بەردى.
ء"بىزدىڭ ۇكىمەتتەرىمىز ۇنەمى بايلانىستا. بايلانىس تۇراقتى نەگىزدە، جوعارى دەڭگەيدە جۇزەگە اسىرىلادى", - دەپ كەلتىرەدى پەسكوۆ ءسوزىن Gazeta.ru.
