شىعىس قازاقستان وبلىسىندا 13 جىل بويى قوس ازاماتتىقپەن جۇرگەن ەر ادام انىقتالدى. بۇل تۋرالى وبلىستىق پوليتسيا دەپارتامەنتىنىڭ ءباسپاسوز قىزمەتى مالىمدەدى، دەپ حابارلايدى “ادىرنا” ۇلتتىق پورتالى.
اقپاراتقا سۇيەنسەك، كوشى-قون قىزمەتىنىڭ ماماندارى قوس ازاماتتىقتىڭ كەزەكتى فاكتىسىن انىقتادى. بورودۋليحا اۋدانىندا تۇراتىن 55 جاستاعى ەر ادام رەسەي فەدەراتسياسىنىڭ ازاماتتىعىن 2009 جىلى السا دا، ول تۋرالى كۇنى بۇگىنگە دەيىن ءتىس جارماي كەلگەن. وسىلايشا، كورشى ەلدىڭ ازاماتى 13 جىل بويى قازاقستان اۋماعىنا كىرگەن كەزدە قر ازاماتىنىڭ قۇجاتتارىن پايدالانۋدى جالعاستىرعان.
«وعان قر اقبتك-ءنىڭ 496-بابى 1-بولىگى بويىنشا 100 اەك مولشەرىندە ايىپپۇل سالىندى. قازاقستان رەسپۋبليكاسى ازاماتتىعىنان ايىرىلعان شەتەلدىكتەن جەكە كۋالىگى مەن پاسپورتى تاركىلەندى»، - دەيدى وبلىستىق پد باستىعىنىڭ ءبىرىنشى ورىنباسارى ەلدوس زاكيموۆ.
ايتا كەتسەك، جىل باسىنان بەرى شىعىس قازاقستاندا ازاماتتىق تۋرالى زاڭنامانى بۇزعانى ءۇشىن 40 ادام اكىمشىلىك جاۋاپكەرشىلىككە تارتىلعان.
”ادىرنا” ۇلتتىق پورتالى
