قر عىلىم جانە جوعارى ءبىلىم ءمينيسترى ساياسات نۇربەك dialog.egov.kz ەلەكتروندى ۇكىمەت پورتالىنداعى «اشىق ۇكىمەت» الاڭىندا جەكە بلوگ اشتى. بۇل تۋرالى ول ءوزىنىڭ تەلەگرام-كانالىندا حابارلادى، دەپ جازادى "ادىرنا" ۇلتتىق پورتالى.
– "مەن «اشىق ۇكىمەت» الاڭىندا وتاندىق عىلىمدى دامىتۋ جانە جوعارى وقۋ ورىندارىنداعى ءبىلىم بەرۋ قىزمەتىنىڭ ساپاسىن ارتتىرۋعا قاتىستى كەز كەلگەن ۇسىنىستار مەن پىكىرلەردى تىڭداۋعا دايىنمىن. بارلىق ارىز، ءوتىنىش، ۇسىنىستاردى مۇقيات وقىپ شىعىپ، قاجەت دەگەن جاعدايدا ءتيىستى شارا قولدانۋعا ءازىرمىز", – دەدى ساياسات نۇربەك پورتالداعى العاشقى حابارلاماسىندا.
عىلىم جانە جوعارى ءبىلىم ءمينيسترى بۇل بلوگ مينيسترلىك قىزمەتكەرلەرىنە ەلىمىزدىڭ جوعارى وقۋ ورىندارى مەن عىلىمي ۇيىمدارىنىڭ ماسەلەلەرىن شەشۋدە بىرلەسىپ جۇمىس ىستەۋگە مۇمكىندىك بەرەتىنىنە سەنىم ءبىلدىردى. وسى ورايدا ساياسات نۇربەك قازاقستاندىقتاردى وزگەلەرگە ۇلگى بولارلىق وڭ ىستەر تۋرالى ايتۋدى دا ۇمىتپاۋعا شاقىردى.
ايتا كەتەيىك، كەز كەلگەن ازامات تىكەلەي ءوتىنىش بىلدىرۋگە جانە ۇسىنىس جاساۋعا، الەۋمەتتىك ماڭىزدى ساۋالنامالارعا قاتىسۋعا مۇمكىندىك الادى.
"ادىرنا" ۇلتتىق پورتالى
