QR Ǧylym jäne joǧary bılım ministrı Saiasat Nūrbek dialog.egov.kz elektrondy ükımet portalyndaǧy «Aşyq ükımet» alaŋynda jeke blog aşty. Būl turaly ol özınıŋ telegram-kanalynda habarlady, dep jazady "Adyrna" ūlttyq portaly.
– "Men «Aşyq ükımet» alaŋynda otandyq ǧylymdy damytu jäne joǧary oqu oryndaryndaǧy bılım beru qyzmetınıŋ sapasyn arttyruǧa qatysty kez kelgen ūsynystar men pıkırlerdı tyŋdauǧa daiynmyn. Barlyq aryz, ötınış, ūsynystardy mūqiiat oqyp şyǧyp, qajet degen jaǧdaida tiıstı şara qoldanuǧa äzırmız", – dedı Saiasat Nūrbek portaldaǧy alǧaşqy habarlamasynda.Ǧylym jäne joǧary bılım ministrı būl blog ministrlık qyzmetkerlerıne elımızdıŋ joǧary oqu oryndary men ǧylymi ūiymdarynyŋ mäselelerın şeşude bırlesıp jūmys ısteuge mümkındık beretınıne senım bıldırdı. Osy oraida Saiasat Nūrbek qazaqstandyqtardy özgelerge ülgı bolarlyq oŋ ıster turaly aitudy da ūmytpauǧa şaqyrdy. Aita keteiık, kez kelgen azamat tıkelei ötınış bıldıruge jäne ūsynys jasauǧa, äleumettık maŋyzdy saualnamalarǧa qatysuǧa mümkındık alady.
"Adyrna" ūlttyq portaly
