دوسبول ارىستانبەكوۆ، كاسىپكەر: 6 مىڭعا جۋىق بالانىڭ ءومىرىن ساقتاپ قالدىق

3029
Adyrna.kz Telegram

دوسبول ارىستانبەكوۆ — تاجىريبەلى قارجىگەر. بۇگىندە ول بيزنەس الەمىنە بەت بۇرىپ، تەرەزەلەرگە تور قويۋ كاسىبىمەن اينالىسىپ ءجۇر. «ادىرنا» ءتىلشىسى از عانا ۋاقىتتىڭ ىشىندە ءبىراز جەتىستىككە قول جەتكىزىپ ۇلگەرگەن ازاماتپەن تىلدەسىپ، اڭگىمە-دۇكەن قۇردى.

دوسبول مىرزا، بيزنەس جولىن قاشان باستادىڭىز؟ بۇل سالاعا اۋىسۋىڭىزعا نە تۇرتكى بولدى؟

— كاسىپكە بەت بۇرعانىما 4 جىل بولدى. باستاپقىدا قوسىمشا تابىس رەتىندە قابىلدادىم. العاشقى 2 جىل ونلاين اينالىستىم. ءتۇرلى تاۋاردى الىپ-ساتۋ باعىتىن ۇستانىپ، جالپى كاسىپتى ەركىن باستاپ كەتۋ ءۇشىن تاجىريبە جيناقتادىم. ول كەزدە ەلىمىزدىڭ ەكىنشى دەڭگەيلى بانكىنىڭ بىرىندە رەسمي ەڭبەك ەتىپ جۇرگەن ەدىم. ۋاقىت وتە كەلە رەسمي جۇمىسىمنىڭ اي سايىن ماعان تولەپ جۇرگەن ايلىعىنا قاراعاندا كاسىپتەگى تابىسىمنىڭ جوعارى بولا باستاعانىن بايقادىم. وسى ساتتەن باستاپ، كاسىپكە تولىقتاي كوڭىل بولگەن جاعدايدا مول تابىس تابۋعا بولاتىنىن ءتۇسىندىم. ءبىز قازىرگى ۋاقىتتا الماتى تۇرعىندارىنا بىرنەشە قىزمەت ءتۇرىن ۇسىنامىز. اتاپ ايتساق:
– پلاستيك جانە اليۋميني ەسىك، تەرەزەلەر ورناتۋ;
– دۋش قابىرعالارىن ورناتۋ;
– جازدى كۇنگى موسكيت تورلاردى قۇرۋ;

– تەرەزە جانە ەسىكتەردى جوندەۋ جۇمىستارى;
– بيىك قاباتتى تۇرعىن ۇيلەردىڭ تەرەزەسىنەن بالانىڭ قۇلاپ كەتۋىنەن ساقتايتىن تور ورناتۋ.

بۇگىنگى كۇنگە دەيىن 6000-عا جۋىق بالانىڭ ءومىرىن ساقتادىق دەسەك تە بولادى. ياعني، 6000-عا جۋىق تەرەزەگە بالانىڭ قۇلاپ كەتۋىنەن ساقتايتىن تور ورناتتىق.

باستاپقى كەزدە قانداي قيىندىقتارعا تاپ بولدىڭىزدار؟

— كاسىپتە قيىندىق ءار كەزدە دە بولادى. «ودان تولىق شىعىپ كەتتىم» دەپ ەشكىم ايتا المايدى. نارىقتىڭ ىعىنا جىعىلىپ، يكەمدى بولا ءبىلۋ كەرەك. سوڭعى قيىندىقتىڭ ءبىرى باستى ماتەريالدارىمىزدىڭ رەسەيدەن كەلۋىمەن بايلانىستى بولدى. رۋبل قۇنىنىڭ جوعارىلاۋىنا بايلانىستى قىزمەت قۇنىن ارتتىرۋعا تۋرا كەلدى. وسىعان وراي ءبىزدىڭ ءونىمنىڭ وتىمدىلىگى جوعالىپ، تۇرعىنداردىڭ قارجىلىق دەڭگەيىنە قاراي ءونىمدى بولۋگە اكەپ سوقتى.

تەرەزەلەرگە تور قويۋ كاسىبى قانشالىقتى سۇرانىسقا يە؟

— تەرەزەگە تور ورناتۋ — ۇلكەن جاۋاپكەرشىلىك. سەبەبى بىرەۋدىڭ بالاسىنىڭ ءومىرى ءبىزدىڭ قولىمىزدا دەپ تىكەلەي ايتۋعا بولادى. ياعني، ورناتقان تور ءساتسىز شىقسا نەمەسە ساپاسى ناشار بولىپ، ودان بالا قۇلاپ كەتسە، ارتى جاقسى ەمەس ەكەنى ايتپاساق تا تۇسىنىكتى. سول سەبەپتى بۇل جۇمىس تەك ساپانى تالاپ ەدى. ءبىز تەك وسى كاسىپ ارقىلى پايدا تاۋىپ قانا قويماي، بالا قاۋىپسىزدىگىن دە قامتىپ وتىرمىز.

سۇرانىس جاقسى. الماتىدا بيىك ۇيلەر كوپ. بارلىق وتباسىدا 2 جاستان 6 جاسقا دەيىنگى بالالار بار. ءاربىر اتا-انا ءوز بالاسىنىڭ ءومىرى ءۇشىن قاتتى قورقادى. بالا بولعان سوڭ ونى 24 ساعات بويى قاراپ وتىرۋ مۇمكىن ەمەس. بۇلدىرشىندەر جىبىرلاپ، تەرەزە جاقتاۋىنا شىعىپ كەتۋى ابدەن مۇمكىن. بيىك قاباتتى ۇيلەردە تۇراتىندار مۇنى جاقسى بىلەدى. وعان نۇر-سۇلتان قالاسىندا بولعان جاعداي دا دالەل. بۇل جايت بارلىق قازاقستاندىق ءۇشىن ۇلكەن دابىل بولدى. تۇرعىندار تور ورناتۋ كەرەگىن جاقسى ءتۇسىندى. سول سەبەپتى سۇرانىس ارتپاسا، كەمىگەن ەمەس. كۇنىنە 10-15 تەرەزە اراسىندا تاپسىرىس قابىلدايمىز. ءار ءوتىنىمدى قابىلداعاننان باستاپ، ەكى كۇننىڭ ىشىندە ورناتىپ بەرەمىز.

ءوز كاسىبىن اشقالى وتىرعان، يدەياسى بار ادامعا تابىس تابۋ ءۇشىن قانشا ۋاقىت كەرەك جانە قانشا قارجى جەتكىلىكتى؟

— بۇل سۇراققا ناقتى جاۋاپ بەرۋ قيىن. زەرتتەۋ كەرەك. ماسەلەن، تاۋار سالاسى ما الدە قىزمەت ۇسىنۋ ما؟ سونداي-اق، ماتەريالداردىڭ شىعۋ ءتۇبى قايدا، كاسىپ مەزگىلگە قاراي ما، اۋديتورياسى كىمدەر جانە باسقا دا سۇراقتارعا جاۋاپ تاۋىپ، تولىق ساراپتاما جاساعان سوڭ عانا ىسكە كىرىسكەن ءجون. ەڭ ءبىرىنشى كەڭەسىم — ەموتسياعا سالىنباي، ازداعان سومادان باستايتىن كاسىپ ءتۇرىن تاڭداۆ. وسى ارقىلى نارىقتى ءتۇسىنىپ، ودان ارى كەڭەيۋگە بولادى. ستارتاپ ءۇشىن نەسيە الىپ، كاسىپ باستاۋ وتە قاتە. بيزنەسكە كرەديتتى تەك جۇيەگە قويىلعان جاعدايدا دامۋ، كەڭەيۋ ءۇشىن الادى.

كاسىپكەر بولعىسى كەلەتىن جاندارعا قانداي كەڭەس بەرەر ەدىڭىز؟

— كاسىپتى قىزبالىقپەن باستاپ كەتۋگە بولمايدى. بۇل سالادا تۇراقتىلىق جوق. بىردە شالقىساڭ، بىردە قاراجات تۇرعىسىنان كەمىپ كەتۋىڭ مۇمكىن. سوندىقتان ءاردايىم بولجامدا وتىراسىز. جالپى ەل اراسىندا «كاسىپكەر بولساڭ، بوس ۋاقىتىڭ بولادى. تاڭعى ساعات توعىزدان كەشكى ساعات التىعا دەيىن تەلمىرىپ وتىرۋدىڭ قاجەتى جوق. ءوز-وزىڭە قوجاسىڭ، اقشاڭ كوپ بولادى» دەگەن ۇلكەن اڭىز بار. بىراق مۇنىڭ بارلىعى بىردەن بولا قويمايدى. ارينە، بارلىعى ۋاقىتتىڭ جانە دۇرىس جۇيە قۇرىپ، تاۋەكەلدى ەسكەركەنىڭىزگە بايلانىستى. ءساتتى كاسىپكەر دەگەنىمىز — جان-جاقتى ادام. بۇل سوزىممەن نە ايتپاقپىن؟! كاسىپكەر ماركەتينگتى ءتۇسىنۋى شارت، كاسىپكەر SMM باعىتىن ءتۇسىنۋى ءتيىس، كاسىپكەر PR-دى ءبىلۋى كەرەك، كاسىپكەر ساتا ءبىلۋى قاجەت، كەسىپكەر كوماندامەن جۇمىس ىستەپ، ەسەپكە مىقتى بولۋ كەرەك. ياعني، ودان بىرنەشە سالانى بىردەي مەڭگەرۋى تالاپ ەتىلەدى. سوندا عانا ءىسى العا باسادى.

سۇقباتىڭىزعا راقمەت! جۇمىسىڭىزعا تابىس تىلەيمىز!

اڭگىمەلەسكەن ديانا اسان،

«ادىرنا» ۇلتتىق پورتالى

پىكىرلەر