حالىقارالىق اگەنتتىك يراننىڭ يادرولىق نىسانىنداعى راديواكتيۆتى لاستانۋدى راستادى

217
Adyrna.kz Telegram
https://www.adyrna.kz/storage/uploads/vmh7oAOgH1eEm8AJOeRuElsedwElgzpXshg3mr6s.jpg

حالىقارالىق اتوم ەنەرگياسى اگەنتتىگى يرانداعى ناتانز يادرولىق نىسانىندا راديواكتيۆتى لاستانۋدىڭ تىركەلگەنىن مالىمدەدى، دەپ حابارلايدى "ادىرنا" ۇلتتىق پورتالى Bloomberg TV-گە سىلتەپ.

ۇيىم باسشىسى رافاەل گروسسي رادياتسيالىق فوننىڭ ارتۋى جەرگىلىكتى سيپاتتا جانە حالىققا تىكەلەي قاۋىپ توندىرمەيتىنىن ايتتى. دەگەنمەن يرانداعى يادرولىق جانە اسكەري نىساندارعا جاسالىپ جاتقان شابۋىلداردىڭ جيىلەپ كەتۋى الاڭداۋشىلىق تۋعىزادى.

«ناتانزداعى نىسان – ەڭ كوپ زاقىم كەلگەن ورىنداردىڭ ءبىرى. وندا بەلگىلى ءبىر دەڭگەيدە راديواكتيۆتى لاستانۋ بولدى، بىراق ول قورعانىس پەريمەترىنىڭ ىشىندە لوكاليزاتسيالانعان. سوندىقتان تۇرعىندار ءۇشىن ناقتى قاۋىپ

جوق»، – دەدى گروسسي.

ونىڭ ايتۋىنشا، سوعىس قيمىلدارىنىڭ كۇشەيۋى قورشاعان ورتانىڭ رادياتسيالىق لاستانۋ قاۋپىن ارتتىرۋى مۇمكىن. وسىعان بايلانىستى اگەنتتىك قاقتىعىسقا قاتىسۋشى تاراپتار مەن پارسى شىعاناعى ەلدەرى جانە اقش بيلىگىنە يادرولىق ينفراقۇرىلىمعا شابۋىل جاساۋعا بولمايتىنىن ەسكەرتكەن.

اگەنتتىك وكىلدەرى ءالى دە يران اۋماعىندا جۇمىس ىستەۋدە جانە جاعداي تۇراقتالعان سوڭ تولىققاندى تەكسەرۋ جۇرگىزۋگە دايىن.

ەسكە سالايىق، يزرايل 13 ماۋسىمنان باستاپ يراننىڭ يادرولىق جانە اسكەري نىساندارىنا شابۋىلدارىن جالعاستىرىپ كەلەدى.

پىكىرلەر